బాలీవుడ్‌ ప్రేమ జంట అలియా భట్‌, రణబీర్‌ కపూర్‌ ఏప్రిల్‌లో వివాహ బంధంతో ఒక్కటయ్యారు.

తాను తల్లినికాబోతున్నట్లు అలియా ఇటీవల సామాజిక మాధ్యమాల ద్వారా వెల్లడించింది.

గర్భవతిగా ఉండి కూడా సినిమాల్లో నటిస్తోంది ఈ బ్యూటీ.

‘డార్లింగ్స్‌’ చిత్రంతో ఓటీటీ వేదికగా ప్రేక్షకుల్ని పలకరించనుంది. ఈ సినిమాలో షెపాలీ షా, విజయ్‌ వర్మ, రోషన్‌ మాథ్యూ కీలక పాత్రలు పోషించారు.

‘డ్లార్లింగ్స్‌’ను గౌరీఖాన్‌, గౌరవ్‌ వర్మతో కలిసి అలియా స్వయంగా నిర్మించడం విశేషం. ఇది ఆగస్టు 5న నెట్‌ప్లిక్స్‌లో విడుదల కానుంది.

బాలీవుడ్‌లో అయాన్‌ ముఖర్జీ దర్శకత్వంలో వస్తున్న ‘బ్రహ్మస్త్ర’లో రణ్‌బీర్‌ కపూర్‌, అలియా జంట వెండితెరపై సందడి చేయనుంది.

ఈ చిత్రాన్ని మూడు భాగాలుగా విడుదల చేయనున్నారు. అందులో మొదటి భాగాన్ని ‘బ్రహ్మస్త్ర.. మొదటి భాగం: శివ’ పేరుతో ఈ ఏడాది సెప్టెంబరు 9న ప్రేక్షకుల ముందుకు తీసుకురానున్నారు.

కరణ్‌ జోహర్‌ దర్శకత్వంలో వస్తున్న ప్రేమ కథా చిత్రం ‘రాకీ ఔర్‌ రాణీ కి ప్రేమ్ కహానీ’లో రణ్‌వీర్‌ సింగ్‌, అలియా భట్‌ నాయకా నాయికలు.

ప్రస్తుతం చిత్రీకరణ జరుపుకొంటున్న ఈ సినిమా 2023 ఫిబ్రవరి 10న ప్రేక్షకుల ముందుకు రానుంది.

‘హర్ట్ ఆఫ్‌ స్టోన్‌’ అనే అమెరికన్‌ స్పై చిత్రంలోనూ అలియా కనిపించనుంది. ఈ చిత్రం నెట్‌ప్లిక్స్‌లో రిలీజ్‌ కానుంది.

ఫర్హాన్‌ అక్తర్‌ దర్శకత్వంలో తెరకెక్కుతున్న ‘జి లే జరా’ అనే సినిమాలో ప్రియంక చోప్రా, కత్రినా కైఫ్‌లతో కలిసి అలియా సందడి చేయనుంది.