గాజు గ్లాస్‌లో సగం నీరు నింపి అందులో బఠాణీలు వేసి అరగంట ఉంచండి. ఈలోపు నీరు ఆకుపచ్చరంగులోకి మారితే.. కృత్రిమ రంగును వాడినట్లు అర్థం. రంగుమారకుండా ఉంటే.. అవి స్వచ్ఛమైనవి.

రెండు ఫిల్టర్‌ పేపర్లు తీసుకొని వాటిపై తేయాకు వేసి కాసిన్ని నీళ్లు చల్లండి. ఆ తరువాత ట్యాప్‌ వాటర్‌ కింద ఫిల్టర్‌ పేపర్‌ని వాష్‌ చేయండి. తేయాకు కనుక కల్తీ అయితే.. ఫిల్టర్‌ పేపర్‌పై చిక్కటి బ్రౌన్‌ మరకలు ఉంటాయి. స్వచ్ఛమైనదైతే ఫిల్టర్‌పేపర్‌పై అసలు మరకలు పడవు.

మిరియాల్లో స్వచ్ఛతను కనిపెట్టడం చాలా తేలిక. మిరియాలను ఓ టేబుల్‌ పైపోసి వాటిని బొటన వేలితో గట్టిగా నొక్కండి. కల్తీ మిరియాలైతే.. వెంటనే చితికిపోతాయి. స్వచ్ఛమైనవి గట్టిగా ఉంటాయి.

ముందుగా ఓ గ్లాస్‌ నీటిలో టీ స్పూన్‌ కారం వెయ్యండి. ఆ మిశ్రమాన్ని కొద్దిగా చేతిపై తీసుకొని రుద్దండి. అది గట్టిగా ఉంటే ఇటుక పొడి కలిసిందని అర్థం. మెత్తగా ఉందంటే అందులో సోప్‌ స్టోన్‌ ఉందని అర్థం. ఈ రెండు పదార్థాలతో శరీరానికి ప్రమాదమే.

రెండు గ్లాసుల నీటిలో ఓ టేబుల్‌ స్పూన్‌ పసుపు వేయండి. స్వచ్ఛమైనది అయితే లేత పసుపు రంగులోకి మారి నీటి అడుగుకు చేరుతుంది. కల్తీది గ్లాసులోని నీటిని చిక్కటి పసుపు రంగులోకి మార్చేస్తుంది.

ఒక చుక్క పాలను నేలపై వేయండి. అవి నీళ్లు కలపని స్వచ్ఛమైన పాలు అయితే.. భూమిలోకి త్వరగా ఇంకవు. నీళ్లు కలిపిన పాలు అయితే.. వెంటనే భూమిలోకి ఇంకిపోతాయి.

కొంచె కొబ్బరి నూనెను ఒక గిన్నెలోకి తీసుకొని ఫ్రిజ్‌లో అరగంట ఉంచి తీసి చూడాలి. స్వచ్ఛమైన కొబ్బరినూనె గడ్డకడుతుంది. కల్తీ జరిగితే గడ్డ కట్టదు.

కొంచెం చక్కెరను నీటిలో వేసి స్పూన్‌తో వేగంగా తిప్పాలి. చక్కెర కల్తీ ఉంటే నురగలు వస్తాయి.

తేనె వేస్తే అంటుకోకుండా జారిపోతే అది అసలు తేనె. అంటుకుంటే అది కల్తీ జరిగినట్టే. తేనెలో ముంచిన అగ్గిపుల్లను వెలిగిస్తే వెంటనే మండితే అది అసలు తేనె. కల్తీది అయితే ఆ పుల్ల వెలగదు.

ఉప్పు కలిపిన నీళ్లను వేడిచేస్తే సుద్దపొడిపైకి తేలిపోతుంది.బంగాళదుంప ముక్కపై అయొడైజ్డ్‌ ఉప్పు జల్లి, కొద్దిగా నిమ్మరసం కలిపి వేచిచూడాలి. ఆ దుంపపై నీలిమచ్చలు ఏర్పడితే అది కల్తీ జరగనట్టు లెక్క.