అటు కోలీవుడ్‌.. ఇటు టాలీవుడ్‌ సినిమాల్లో నటిస్తూ ప్రేక్షకుల్ని అలరిస్తోంది నటి అంజలి.

సినిమాల్లో హీరోయిన్‌, కీలక పాత్రల్లోనే కాదు.. ప్రత్యేక గీతాల్లోనూ ఆడిపాడుతోంది. తాజాగా నితిన్‌ ‘మాచర్ల నియోజకవర్గం’లోని ప్రత్యేక గీతంలో తళుక్కుమంది.

అంతకుముందు అల్లు అర్జున్‌ ‘సరైనోడు’లో ‘బ్లాక్‌బాస్టరే’పాటలో.. కో, సింగం 2 చిత్రాల్లోనూ ప్రత్యేక గీతాల్లో నటించి ఆకట్టుకుంది.

అంజలి.. తెలుగమ్మాయే అయినా, తొలినాళ్లలో తెలుగు సినిమాల్లోనే నటించినా తమిళ్‌లోనే ఆమెకు ఎక్కువ పేరొచ్చింది.

1986 జున్‌ 16న ఏపీలోని రాజోలులో జన్మించిన అంజలి.. చెన్నైలో డిగ్రీ చేసింది. నటనపై ఆసక్తితో మొదట పలు షార్ట్‌ ఫిల్మ్స్‌లో నటించింది.

2006లో ‘ఫొటో’ అనే చిత్రంలో హీరోయిన్‌గా అవకాశం దక్కించుకుంది. 2007లో కోలీవుడ్‌లో ఎంట్రీ ఇచ్చి.. అక్కడే వరుసపెట్టి సినిమాలు చేసింది. కొన్ని కన్నడ, మలయాళ చిత్రాల్లోనూ నటించింది.

2011లో వచ్చిన ‘జర్నీ’ చిత్రంతో తెలుగు ప్రేక్షకులకు దగ్గరైంది. 2013లో ‘సీతమ్మ వాకిట్లో సిరిమల్లె చెట్టు’తో మళ్లీ టాలీవుడ్‌లోకి రీఎంట్రీ ఇచ్చింది అంజలి.

ఓ వైపు తమిళ చిత్రాల్లో నటిస్తూనే తెలుగులో బలుపు, మసాలా, గీతాంజలి, డిక్టేటర్, వకీల్‌సాబ్‌ తదితర చిత్రాల్లో నటించింది.

పావై కాదైగళ్‌, నవరస, ఝాన్సీ వంటి వెబ్‌సిరీస్‌ల్లోనూ నటించి మెప్పించింది.

తాజాగా దిగ్గజ దర్శకుడు శంకర్‌-రామ్‌చరణ్‌ కాంబినేషన్‌లో వస్తోన్న ‘ఆర్‌సీ-15’లోనూ కీలక పాత్ర పోషిస్తోంది.

హైదరాబాద్‌ రోడ్లపై తిరగడమంటే అంజలికి ఎంతో ఇష్టమట. ఇక తాను అభిమానించే హీరోయిన్లు ఎవరంటే.. కాజోల్‌, శోభన

దర్శకుల్లో మణిరత్నం బాగా నచ్చుతారట. ఆయన్ను వివిధ సందర్భాల్లో కలిసినా.. ఆయన చిత్రాల్లో నటించే అవకాశం కోసం ఎదురుచూస్తున్నానని ఓ సందర్భంలో తెలిపింది.