సినిమా తారలకున్నంత పాపులారిటీ.. బుల్లితెర నటులకు ఉండదంటారు. కానీ, ఆ సీరియల్స్‌తోనే స్టార్‌డమ్‌ సంపాదించింది.. నటి మౌనీ రాయ్‌.

‘నాగిన్‌’ సీరియల్‌తో కుటుంబ ప్రేక్షకుల్ని ఆకట్టుకున్న ఈ బ్యూటీ.. తన అందచందాలతో కుర్రకారును ఫిదా చేస్తోంది.

సోషల్‌మీడియాలో ఆమెకు చాలా క్రేజ్‌ ఉంది. ఇన్‌స్టాలో తనని 23.7మిలియన్‌ నెటిజన్లు ఫాలో అవుతున్నారు.

మౌనీ రాయ్‌.. 1985 సెప్టెంబర్‌ 28న పశ్చిమబెంగాల్‌లోని కూచ్‌బెహర్‌లో జన్మించింది. ఆమె తల్లి ముక్తి.. థియేటర్‌ ఆర్టిస్ట్‌.

మధుబాల, మాధురీ దీక్షిత్‌ వంటి తారల్ని చూసి తానూ నటినవ్వాలని చిన్నప్పుడే నిర్ణయించుకుందట.

మాస్‌ కమ్యూనికేషన్‌లో డిగ్రీ చేసేందుకు దిల్లీకి వెళ్లిన ఈ అమ్మడు.. మధ్యలోనే చదువు ఆపేసి.. సినీ అవకాశాల కోసం ముంబయికి చేరుకుంది.

మోడలింగ్‌లో మౌనీ.. మంచి గుర్తింపు తెచ్చుకుంది. 2006లో ప్రారంభమైన ‘క్యూంకీ సాస్‌ బీ కభీ బాహు థి’ సీరియల్‌తో తన యాక్టింగ్‌ కెరీర్‌ను ప్రారంభించింది.

ఆ సీరియల్‌లో ఆమెకు ఆదరణ లభించడంతో సీరియల్స్‌లో అవకాశాలు క్యూ కట్టాయి. అలా కస్తూరి, దేవొంకీ దేవ్‌.. మహదేవ్‌ తదితర సీరియల్స్‌లో నటించింది.

నాగిన్‌ సీరియల్‌ మౌనీని దేశవ్యాప్తంగా ఫేమస్‌ చేసింది. ఆ సీరియల్‌ వివిధ భాషల్లో అనువాదం కావడంతో ఆమెకు ఆదరణ పెరిగింది. ఈ సీరియల్‌ను తెలుగులోనూ అనువదించారు.

మౌనీ ప్రధాన పాత్రలో నటించిన నాగిన్‌.. తొలి సీజన్‌ విజయవంతం కావడంతో.. సీరియల్‌ మరో రెండు సీజన్లు వచ్చాయి.

సినిమాల విషయానికొస్తే 2011లో ‘హీరో హిట్లర్‌ ఇన్‌ లవ్‌’ అనే పంజాబీ చిత్రంలో హీరోయిన్‌గా నటించింది. ఆ తర్వాత పలు సినిమాల్లో మెరిసింది.

తాజాగా నాగార్జున, అమితాబ్‌ బచ్చన్‌, రణ్‌బీర్‌ కపూర్‌ ప్రధాన పాత్రల్లో నటిస్తున్న ‘బ్రహ్మాస్త్ర ’లో మౌనీ.. కీలక పాత్ర పోషిస్తోంది. ఈ చిత్రం త్వరలో విడుదల కానుంది.

మౌనీ రాయ్‌.. మంచి డ్యాన్సర్‌ కూడా. కెరీర్‌ ప్రారంభంలో ‘జర నాచ్‌కే దిఖావ్‌’ డ్యాన్స్‌ షోలో పాల్గొని విజేతగా నిలిచింది. పలు రియాల్టీ షోల్లోనూ పాల్గొంది.

బిగ్‌బాస్‌లోనూ మెరిసిన ఈ అందాల భామ.. ప్రస్తుతం డ్యాన్స్‌ ఇండియా డ్యాన్స్‌ లిటిల్‌మాస్టర్‌ 5 రియాల్టీ షోకి జడ్జ్‌గా వ్యవహరిస్తోంది. పలు మ్యూజిక్‌ ఆల్బమ్స్‌లోనూ ఆడిపాడింది.

దుబాయ్‌కి చెందిన వ్యాపారవేత్త సూరజ్‌ నంబియార్‌తో కొన్నాళ్లుగా ప్రేమలో ఉన్న మౌనీ రాయ్‌.. 2022 జనవరిలో ఆయన్ను పెళ్లి చేసుకుంది. ఆమెకు గోల్డెన్‌ వీసా ఉంది.

పెళ్లయిన తర్వాత కూడా మౌనీ రాయ్‌.. హాట్‌ లుక్స్‌తో ఫొటోషూట్‌లో పాల్గొంటూ.. ఆ ఫొటోలను సోషల్‌మీడియాలో పోస్టు చేస్తోంది. దీంతో అవిసోషల్‌మీడియాలో వైరలవుతున్నాయి.