అనతికాలంలోనే బాలీవుడ్‌ స్టార్‌ హీరోయిన్‌గా ఎదిగిన నటి జాన్వీకపూర్‌.

శ్రీదేవి-బోనీ కపూర్‌ వారసురాలిగా ఇండస్ట్రీలోకి అడుగుపెట్టినా.. తనదైన శైలిలో సినిమాలు చేస్తూ ప్రత్యేక గుర్తింపు తెచ్చుకుంది.

ప్రస్తుతం ఈ రూహీ భామ.. విదేశాల్లో సందడి చేస్తోంది.

జాన్వీ నటిస్తోన్న ‘బవాల్‌’ యూరప్‌లో చిత్రీకరణ జరుపుకుంటోంది. ఈ క్రమంలోనే చిత్రబృందం అక్కడ పర్యటిస్తోంది.

గత నెలలో ఫ్రాన్స్‌కు వెళ్లిన ఈ ధడక్‌ బ్యూటీ.. అక్కడి పర్యటక ప్రాంతాల్ని సందర్శించింది.

ఈఫిల్‌ టవర్‌ వద్ద ఫొటోలు దిగి సోషల్‌మీడియాలో పోస్టు చేయగా.. అందమైన బొమ్మలా ఉన్నావంటూ నెటిజన్లు, ఆమె సన్నిహితులు కామెంట్లు పెట్టారు.

ఫ్రాన్స్‌ నుంచి జర్మనీకి చేరుకున్న జాన్వీ.. బెర్లిన్‌ నగర వీధుల్లో చక్కర్లు కొట్టింది.

ఇటీవల నెదర్లాండ్స్‌ రాజధాని ఆమ్‌స్టర్‌డామ్‌లో జరిగిన షూటింగ్‌లో పాల్గొన్న అమ్మడు.. ఖాళీ సమయంలో టూర్‌ను ఎంజాయ్‌ చేసింది.

రెండ్రోజుల కిందట ఆమ్‌స్టర్‌డామ్‌ షెడ్యూల్‌ పూర్తయింది. ఇదే విషయాన్ని జాన్వీ ఇన్‌స్టాలో వెల్లడించింది. తరువాత పోలాండ్‌లో చిత్రీకరణ ఉంటుందట.

ఇటీవల జాన్వీ నటించిన ‘గుడ్‌ లక్‌ జెర్రీ’ ఓటీటీ వేదికగా విడుదలవుతోంది. ప్రస్తుతం ఆమె ‘బవాల్‌’తోపాటు మిలి, మిస్టర్‌ అండ్‌ మిసెస్‌ మహీ చిత్రాల్లో నటిస్తోంది.