మహేంద్ర సింగ్‌ ధోనికి క్రికెట్‌ కాకుండా ఫుట్‌బాల్‌, బ్యాడ్మింటన్‌ ఆడటమంటే చాలా ఇష్టం.

ఈ మిస్టర్‌ కూల్‌కి బైక్‌ రైడింగ్‌ అంటే ఎంతో ఇష్టమో ప్రత్యేకంగా చెప్పక్కర్లేదు. తన ఇంట్లో ఇప్పటికే పదుల సంఖ్యలో బైకులున్నాయి. ఖాళీ సమయం దొరికితే.. బైక్‌పై షికారుకెళ్తుంటాడు.

బైక్‌ రైడింగ్‌పై ఇష్టంతోనే హీరో నాగార్జునతో కలిసి ‘మహి రేసింగ్‌ టీమ్‌ ఇండియా’ను స్థాపించాడు. ఈ టీమ్‌ సూపర్‌స్పోర్ట్‌ వరల్డ్‌ ఛాంపియన్‌షిప్‌లో పాల్గొంటోంది.

డబ్ల్యూడబ్ల్యూఈలో ధోనికి నచ్చిన రెజ్లర్లు.. బ్రెట్‌ ‘ది హిట్‌మ్యాన్‌’ హర్ట్‌, హల్క్‌ హోగన్‌

కెరీర్‌ తొలినాళ్లలో ధోని పొడవాటి జుట్టుతో కనిపించిన విషయం తెలిసిందే. అప్పట్లో జాన్‌ అబ్రహం హెయిర్‌స్టైల్‌ను స్ఫూర్తిగా తీసుకొని జుట్టు పెంచుకున్నాడట.

ఈ ఝార్ఖండ్‌ డైనమైట్‌ బాలీవుడ్‌ ఓల్డ్‌ సాంగ్స్‌ను వినడానికి ఇష్టపడతాడు. తన ఫేవరేట్‌ సింగర్‌ కిశోర్‌ కుమార్‌.

మైదానంలో ఆడే ఆటలే కాదు.. వీడియో గేమ్స్‌ ఆడటం కూడా ధోనికి చాలా ఇష్టమట. రేసింగ్‌ గేమ్స్‌తోపాటు, ఫిపా, పబ్‌జీ కూడా ఆడతాడట.

పెంపుడు జంతువులపై ధోనికి ఎంతో ప్రేమ. ఖాళీ సమయం దొరికితే తన ఇంట్లో ఉన్న శునకంతో సరదాగా గడుపుతుంటాడు.

అంతర్జాతీయ క్రికెట్‌కు రిటైర్‌మెంట్‌ ప్రకటించిన తర్వాత ధోని ఎక్కువగా వ్యవసాయంపై దృష్టి పెట్టాడు. వ్యవసాయక్షేత్రంలో ఎక్కువ సమయం గడుపుతున్నాడు.