నిద్ర పట్టక ఇబ్బందిపడేవారు రాత్రి పడుకునే ముందు మాడు, పాదాలకు కొబ్బరి నూనె రాసుకోవాలి. గసగసాలను వేడి చేసి మూటకట్టి వాసన చూస్తే నిద్ర పడుతుంది.

ఆకలి, జీర్ణ శక్తి సరిగా ఉంటే ఎలాంటి వ్యాధులు రావు. పులుపు, కారం సరైన మోతాదులో తీసుకోవాలి. తీపి ఎక్కువగా తింటే జీర్ణ శక్తి మందగిస్తుంది.

ఆకుకూరలు.. ముఖ్యంగా తోటకూర ప్రతిరోజూ తింటే మలబద్ధకం సమస్య అసలే ఉండదు. మాంసం తినేవారు దానితో పాటు పొట్టు తీయని ముల్లంగిని నిమ్మరసం పిండుకుని తినాలి.

ఆరోగ్య సమస్యలు రాకూడదంటే.. క్యాబేజీ, పొట్లకాయ, బీరకాయ, కాకర కాయ, బూడిదగుమ్మడి కాయ కూరలు తినాలి.

శరీరంలో వేడి ఉన్నవారు రాత్రి గ్లాసు నీటిలో రెండు చెంచాల ధనియాలు వేసి నానబెట్టాలి. ఆ నీటిని ఉదయాన్నే తాగితే ఒంట్లో వేడి తగ్గుతుంది.

నీరు తాగడం మంచిదే. కానీ భోజనానికి ముందు, తర్వాత వెంటనే ఎక్కువ మొత్తంలో నీరు తాగితే అరుగుదల సమస్యలు మొదలవుతాయి.

తెల్లవారుజామునే నిద్రలేవాలి. ఆ సమయంలో శరీరం ఆక్సిజన్‌ను ఎక్కువగా గ్రహిస్తుంది. హిమోగ్లోబిన్‌ను ప్రతి కణంలోకి పంపి రోగనిరోధక శక్తిని పెంచుతుంది.

హారతి కర్పూరం, మంచి గంధం కలిపి నుదుటిపై రాస్తే తలనొప్పి తగ్గుతుంది.

పసుపు కొమ్ములను కాల్చి ఆ బూడిదతో పళ్లు తోమితే పంటి నొప్పి, చిగుళ్ల సమస్యలు మాయమవుతాయి.