1985 సెప్టెంబర్ 7న వెల్లూరులో రాధిక జన్మించింది. తల్లిదండ్రులిద్దరూ వైద్యులే. పుణెలోని ఓ ఆస్పత్రికి రాధిక తండ్రి చైర్మన్గా నియమితులవడంతో అక్కడికి మకాం మార్చారు.
2011 నుంచి ఆమె సినీ కెరీర్ పుంజుకుంది. తెలుగు, హిందీ, బెంగాళీ, మరాఠీ, తమిళ్ చిత్రాల్లో వరుసపెట్టి సినిమాలు చేస్తోంది. హిందీలో పాడ్మ్యాన్ ఆమెకు మంచి పేరు తెచ్చిపెట్టింది.
మహిళా ప్రాధాన్యమున్న చిత్రాలకు ఓటేసే ఈ భామ.. బోల్డ్ సన్నివేశాల్లోనూ నటిస్తూ ప్రేక్షకుల్ని ఆకట్టుకుంటోంది. ఓ చిత్రంలో అర్ధనగ్నంగా కనిపించి షాకిచ్చింది. దీంతో అప్పట్లో ఆమెపై విమర్శలు కూడా వచ్చాయి.
సినీ ఇండస్ట్రీలోనూ కీలక స్థానాల్లో మహిళలే ఉండాలని, అప్పుడే ప్రతిభకు చోటు, స్త్రీ సాధికారత సాధ్యమవుతుందని అంటోంది. ప్రస్తుతం రాధిక బాలీవుడ్ ‘విక్రమ్ వేద’ రీమేక్, ‘మోనికా.. ఓ మై డార్లింగ్’ చిత్రాల్లో నటిస్తోంది.