రికరింగ్ డిపాజిట్‌ (ఆర్‌డీ) ఖాతాతో వినియోగ‌దారులు సుల‌భంగా డ‌బ్బు ఆదా చేయ‌వ‌చ్చు.

బ్యాంకులు ఆర్‌డీ ద్వారా ప్ర‌తినెలా ఖాతాదారులకు నచ్చిన మొత్తాన్ని, ఎంచుకున్న కాల‌ప‌రిమితికి పెట్టుబ‌డులు పెట్టే సౌల‌భ్యాన్ని అందిస్తున్నాయి.

ఆర్‌డీ ఖాతా కాలపరిమితి 6 నెలల నుంచి 10 సంవత్సరాల వ‌ర‌కు ఉంటుంది.

పొదుపు లేదా క‌రెంట్ ఖాతా నుంచి ప్ర‌తి నెలా నిర్ధిష్ట మొత్తాన్ని ఆర్‌డీకి బ‌దిలీ చేయాలని ఖాతాదారులు బ్యాంకుల‌కు సూచ‌న‌లు చేయొచ్చు.

ఆర్‌డీ ఖాతా వ‌డ్డీ రేటు మీరు ఎంచుకున్న బ్యాంక్‌, కాల‌వ్య‌వ‌ధుల‌పై ఆధార‌ప‌డి ఉంటుంది. కాలవ్యవధి ముగిశాక మెచ్యూరిటీ(పెట్టుబడి + వడ్డీ) మొత్తాన్ని చెల్లిస్తారు.

ఆర్‌డీ ఖాతాపై బ్యాంకులు పాక్షిక విత్‌డ్రాల‌ను అనుమ‌తించ‌వు. కానీ, డిపాజిట్‌పై రుణం పొందే వీలుంది. డిపాజిట్ విలువ‌లో 80 నుంచి 90 శాతం రుణం పొందొచ్చు.

ఖాతాను మధ్యలో నిలిపివేస్తే.. బ్యాంకులు జరిమానా విధిస్తాయి. సాధారణంగా ఇచ్చే వడ్డీ రేట్ల కంటే తక్కువగా వ‌డ్డీ అందిస్తాయి.

రికరింగ్ డిపాజిట్లపై వచ్చే వ‌డ్డీ ఆదాయంపై ప‌న్ను పడుతుంది. దీనిని ఇతర ఆదాయ వనరుగా లెక్కించి మీ మొత్తం ఆదాయానికి కలిపి పన్ను లెక్కిస్తారు.

ఆర్‌డీ ఖాతా మూసివేయాలంటే.. ఆఫ్‌లైన్ ద్వారా మీ బ్యాంక్ బ్రాంచ్‌కి వెళ్లి ఖాతా ర‌ద్దు చేయాల్సిందిగా అభ్య‌ర్థ‌న ప‌త్రం ఇవ్వ‌చ్చు. అలాగే, ఆన్‌లైన్ ద్వారా కూడా ఖాతాను మూసివేయ‌వ‌చ్చు.