పరాయి స్త్రీల మీద వ్యామోహంలో, వ్యభిచారపు మత్తులో ఉన్నవాడు దేన్నీ పట్టించుకోడు. సంపాదించిన సొమ్మును వాటికే ఉపయోగిస్తాడు. సీతాదేవిని అపహరించి.. ప్రాణాలు కోల్పోయిన రావణాసురుడే ఇందుకు ఉదాహరణ.

జూదం అలవాటు మహా చెడ్డది. ధర్మరాజు అంతటి వాడే జూదం వల్ల సర్వం కోల్పోయి అరణ్యవాసంలో కష్టాలు పడాల్సి వచ్చింది.

మద్యపానం ఒక్కసారి అలవాటైతే వదులుకోవడం చాలా కష్టం. మద్యం సేవించిన మనిషి విచక్షణ కోల్పోతాడు. ఆ మత్తులో దారుణాలకు ఒడిగట్టే ప్రమాదముంది.

ఒకప్పుడు రాజులకు వేట అనేది ఒక సరదా ఆట! కానీ, మూగ జీవాలను వేంటాడి చంపడం దుర్మార్గమైన పని. జంతువులపై దయ చూపకుండా వాటి ప్రాణాలతో చెలగాటం ఆడటం కూడా ఒక చెడ్డ వ్యసనమే.

ఎదుటి వాళ్లను గౌరవించకపోవడమే కాకుండా, కఠినంగా మాట్లాడటం.. తిట్టడం ఏ మాత్రం ఆమోదయోగ్యం కాదు. నోటి దురుసుతో మాట్లాడితే కష్టాలు కొనితెచ్చుకున్నట్లే.

తప్పు చేసిన వాళ్లని శిక్షించడంలో తప్పు లేదు. కానీ, కొందరు చిత్రహింసలు పెడుతూ పైశాచిక ఆనందం పొందుతుంటారు. అది వారికి ఒక వ్యసనంగా మారుతుంది. ఇది అంత శ్రేయస్కరం కాదు. బాధితులెవరైనా పగతీర్చుకునేందుకు ప్రయత్నిస్తే ప్రాణాలే పోవచ్చు.

డబ్బు అందరికీ ముఖ్యమే. కానీ, కొందరు ఆ డబ్బుకు విలువ ఇవ్వకుండా వృథా ఖర్చు చేస్తుంటారు. పొదుపు చేయాలన్న ఆలోచన లేకుండా ఖర్చు చేస్తూ పోతే చివరికి చిల్లిగవ్వ కూడా మిగలదు. అన్ని కోల్పోయి రోడ్డున పడాల్సి వస్తుంది.