మీరు పనిచేసే చోటు, పని గంటలు, వేతనం, ప్రయోజనాలు... ఇలా అన్నింటి గురించి మీకున్న సందేహాలను సహోద్యోగులను కాకుండా మానవ వనరుల అధికారుల్ని ముందే అడిగి తెలుసుకోండి.

ఆఫీసు వాతావరణాన్ని గమనించి అందుకు అనుగుణంగా ఉండే ఆహార్యాన్ని ఎంచుకోండి. సమయానికి కార్యాలయానికి వచ్చేలా ప్రణాళికలు వేసుకోండి.

కొన్ని సంస్థలు పని వేళల్లో ఉద్యోగులు మొబైల్‌, సోషల్‌ మీడియాను ఉపయోగించుకోవడానికి అంగీకరించవు. అలాంటి నిబంధనలు ఏమైనా ఉన్నాయేమో ముందే కనుక్కోండి.

ఉద్యోగంలో చేరిన తొలినాళ్లలో ఎక్కువగా వినడానికే ప్రాధాన్యం ఇవ్వండి. సహోద్యోగులు, సీనియర్స్‌ చెప్పే సలహాలు, సూచనలు పాటించండి. సంస్థ గురించి తెలుసుకోండి.

పనులను వాయిదా వేయొద్దు. లేదంటే చివర్లో ఇబ్బంది పడతారు. ఆలస్యమైనా, తప్పు చేసినా మీపై వ్యతిరేక అభిప్రాయం ఏర్పడే ప్రమాదముంటుంది.

సహోద్యోగులతో కలసిమెలసి ఉండాలి. పని విషయంలో సహాయాన్నీ అందించాలి.. తీసుకోవాలి.

కొందరు సహోద్యోగులు నెగెటివ్‌ భావాన్ని, నిరాశను కలిగిస్తుంటారు. అలాంటి వారికి వీలైనంత దూరంగా ఉండటం మేలు.