మొబైల్‌లో ఉండే అనవసరమైన, ఎక్కువగా ఉపయోగించని యాప్స్‌ను అన్‌ఇన్‌స్టాల్‌ చేయండి.

ఫైల్‌ మేనేజర్‌లోకి వెళ్లి పెద్ద సైజు ఉన్న ఫైల్స్‌ను గుర్తించి అవసరం లేని వాటిని డిలిట్‌ చేయండి.

వాట్సాప్‌లో వచ్చే ఫైల్స్‌, ఫొటోలు, వీడియోలతో గ్యాలరీ నిండిపోతుంటుంది. కాబట్టి వాటిలో అనవసరమైన ఫైల్స్‌ను ఎప్పటికప్పుడు డిలిట్‌ చేస్తూ ఉండాలి.

ఫొటోలు, వీడియోలు, ఇతర ఫైల్స్‌ను మొబైల్‌ గ్యాలరీలో కాకుండా గూగుల్‌ ఫొటోస్‌, డ్రైవ్‌ వంటి క్లౌడ్‌ స్టోరేజీల్లో నిల్వ చేసుకోవడం ఉత్తమం. తద్వారా మొబైల్‌లో స్టోరేజ్‌ ఇబ్బంది తలెత్తదు.

ఫొటోలు, వీడియోలను మొబైల్‌ స్టోరేజీలో కాకుండా, మెమొరీ కార్డుల్లో సేవ్‌ అయ్యేలా సెట్టింగ్‌ మార్చుకోండి.

తరచూ అనేక యాప్స్‌ను ఉపయోగిస్తుంటాం. ఈ క్రమంలో క్యాచి మొబైల్‌లో ఉండిపోతుంటుంది. దాన్ని క్లియర్‌ చేయడం ద్వారా కొంత మెమొరీ ఖాళీ అవుతుంది.

అవసరం కోసం ఇంటర్నెట్‌ నుంచి పలు ఫైల్స్‌, వీడియోలు డౌన్‌లోడ్‌ చేస్తుంటాం. వాటిని పని అవగానే డిలిట్‌ చేస్తే స్టోరేజ్‌ సమస్య రాదు.