స్టవ్‌ బర్నర్‌కు తగినట్లు పొయ్యి మీద పెట్టే గిన్నె ఉండాలి. మంట మరీ పెద్దదిగా లేదా చిన్నదిగా ఉండకూడదు.

వంటకు అవసరమైన పదార్థాలు, వస్తువులు అన్నీ ఒక్క దగ్గర పెట్టుకొని వంట ప్రారంభించాలి. లేదంటే వాటి కోసం వెతుకుతూ ఉంటే గ్యాస్‌ వృథా అవుతుంది.

తడి పాత్రలను గ్యాస్‌పై పెట్టకూడదు. దీని వల్ల మరింత ఎక్కువ గ్యాస్‌ ఖర్చవుతుంది.

పప్పు ధాన్యాలను ముందుగానే నానబెట్టి ఉడికిస్తే వంట తొందరగా అవడంతోపాటు గ్యాస్‌ ఆదా అవుతుంది.

పాత్రలకు మూత పెట్టకుండా వంట చేయకండి. దీని వల్ల వంట ఆలస్యమవుతుంది. గ్యాస్‌ కూడా వృథా అవుతుంది.

టీని ప్రతిసారి పొయ్యిపై మరిగించడానికి బదులు ఒక్కసారి టీ పెట్టి.. ప్లాస్క్‌లో ఉంచితే గ్యాస్‌ ఆదా అయినట్లే.

వంట త్వరగా చేయాలని మంటను పెద్దది చేయడం, మధ్య మధ్యలో వంటలో నీరు, ఇతర ఆహార పదార్థాలు వేస్తూ ఉండటం వల్ల వంట ఆలస్యమవడంతోపాటు గ్యాస్‌ ఎక్కువ ఖర్చవుతుంది.

ఫ్రిజ్‌లో నుంచి తీసిన పదార్థాలను వండాలనుకుంటే.. వాటిని వంటకు కొంత సయమానికి ముందే తీసి పెట్టాలి.

స్నానానికి వేడినీళ్ల కోసం స్టవ్‌ను వాడే బదులు ఎలక్ట్రిక్‌ వాటర్‌ హీటర్‌, గ్రీజర్‌ వాడటం ఉత్తమం.

కుక్కర్‌లో వంట చేయడం ద్వారా గ్యాస్‌ ఆదా అవుతుంది.