కెరీర్‌లో దూసుకెళ్తున్న సమయంలోనే రంగస్థలం చిత్రంలో ‘జిగేలు రాణి’గా ఆడిపాడింది పూజా హెగ్డే. ప్రస్తుతం టాలీవుడ్‌ టాప్ హీరోయిన్‌గా కొనసాగుతున్న పూజా.. వెంకటేశ్‌, వరుణ్‌తేజ్‌ కలిసి నటించిన‘ఎఫ్‌-3’లోని ప్రత్యేక పాటలో మరోసారి మెరిసింది.

టాలీవుడ్‌ స్టార్‌ హీరోయిన్‌ సమంత కూడా ఊహించని విధంగా ‘పుష్ప’ చిత్రంలోని ఓ ప్రత్యేక పాటలో కనిపించి.. ఔరా అనిపించింది. ‘ఊ అంటావా మావా..’ అంటూ హుషారెత్తించే ఈ పాటలో అల్లు అర్జున్‌తో కలిసి డ్యాన్స్‌ చేసింది.

ప్రస్తుతం సినిమాలకి దూరంగా ఉన్న కాజల్‌ అగర్వాల్‌ జూనియర్‌ ఎన్టీఆర్‌ కోసం ఓ ప్రత్యేక పాట చేసేందుకు సై అంది. ‘జనతా గ్యారేజీ’ చిత్రంలో ‘పక్కా లోకల్‌.. ’ అంటూ ఊర మాస్‌గా చిందేసింది.

టాలీవుడ్‌ ప్రత్యేక పాటల్లో అత్యధికంగా ఆడిపాడిన స్టార్‌ నటి తమన్నానే. అల్లుడు శీను, జై లవకుశ, కేజీఎఫ్‌ చాప్టర్‌ 1, సరిలేరు నీకెవ్వరు, గని చిత్రాల్లో ప్రత్యేక పాటతో ప్రేక్షకుల్ని ఆకట్టుకుంది తమన్నా.

మహేశ్‌ బాబు నటించిన ‘ఆగడు’ చిత్రంలోని ‘జంక్షన్‌లో..’ అంటూ సాగే ప్రత్యేక పాటకు శృతి హాసన్‌ స్టెప్పులేసింది. సినిమా పెద్దగా ఆడకపోయినా.. ఈ పాట మాత్రం హిట్‌ కొట్టింది.

అల్లు అర్జున్‌ - బోయపాటి శ్రీను కాంబినేషన్‌లో వచ్చిన చిత్రం ‘సరైనోడు’. ఇందులో ‘బ్లాక్‌ బాస్టర్‌..’ అనే పాటలో అంజలి నటించింది. మహిళా ప్రాధాన్యమున్న చిత్రాల్లోనే ఎక్కువగా కనిపించే అంజలి.. ఓ ప్రత్యేక పాటలో కనిపించడం విశేషం.

‘జాతి రత్నాలు’ చిత్రంతో వెండితెరకు పరిచయమైన ఈ చిట్టి.. యువకుల గుండెల్లో గూడు కట్టేసుకుంది. ఇటీవల విడుదలైన నాగార్జున, నాగ చైతన్య కలిసి నటించిన ‘బంగార్రాజు’ చిత్రంలో ఓ ప్రత్యేక పాటలో మెరిసింది.

తొలి చిత్రం(ఎస్‌ఎంఎస్‌)తోనే ‘సైమా’ అవార్డును గెలుచుకున్న నటి రెజినా. సుబ్రమణ్యం ఫర్‌ సేల్‌, జో అచ్యుతానంద, ఆ..!, తదితర చిత్రాలతోపాటు తమిళ్‌, కన్నడ, హిందీలోనూ నటించింది. తాజాగా చిరంజీవి-రామ్‌ చరణ్‌ కాంబినేషన్‌లో వచ్చిన ‘ఆచార్య’ చిత్రంలో ‘సానా కష్టం..’ పాటలో చిరుతో ఆడిపాడింది.

కుమారి 21ఎఫ్‌ చిత్రంతో యువకుల హృదయాలను కొల్లగొట్టింది.. హెబ్బా పటేల్‌. ఆ తర్వాత అనేక సినిమాలు చేసినా పెద్దగా పాపులారిటీ సాధించలేదు. హీరో రామ్‌ నటించిన ‘రెడ్‌’ చిత్రంలోని ‘డించాక్‌..’ పాటలో కనిపించి మరోసారి కుర్రాళ్ల గుండెని గిల్లింది.