గోరువెచ్చటి నీటిలో డిష్‌ సోప్‌ను కలిపి బంగారు ఆభరణాలను 20నిమిషాలు నానబెట్టాలి. ఆ తర్వాత పాత టూత్‌బ్రెష్‌తో వాటిని సున్నితంగా కడిగేస్తే అవి కొత్త వాటిలా మెరుస్తాయి.

మ్యానిక్యూర్‌ తర్వాత వేళ్లను డిష్‌ సోప్‌ కలిపిన గోరు వెచ్చని నీటిలో కాసేపు ఉంచితే వేలి గోళ్లు మెరుస్తాయి.

మీ బాత్‌రూమ్‌లోని గోడలు, కిటికీలను డిష్‌ సోప్‌ కలిపిన నీటితో కడిగితే తళతళా మెరిసిపోతాయి.

గ్యారేజ్‌లో పడిన ఆయిల్‌ మరకలను డిష్‌ సోప్‌ వాడి ఇట్టే తొలగించేయొచ్చు.

మీరు వాడే కళ్లద్దాల మీద డిష్‌ సోప్‌ను ఓ లేయర్‌లా పూసి 10 నిమిషాల తర్వాత కడిగేస్తే సరి.

దువ్వెనలను, తలకు రంగు వేయడానికి ఉపయోగించిన బ్రెష్‌లను డిష్‌ సోప్‌ కలిపిన నీటిలో నానబెట్టి సులభంగా శుభ్రం చేయొచ్చు.

మీ బట్టల మీద పడిన మరకలపై డిష్‌ సోప్‌ వేసి రుద్దిన తర్వాత ఉతికితే మంచి ఫలితం ఉంటుంది.

హాఫ్‌ టేబుల్‌ స్పూన్‌ డిష్‌ సోప్‌నకు నాలుగు కప్పుల నీటిని కలిపి పిచికారీ చేస్తే కుండీల్లో పెరిగే మొక్కలకు చీడ పురుగులు పట్టకుండా ఉంటాయి.

మీ పిల్లలు ఆడే వస్తువులు మురికిగా మారితే డిష్‌ సోప్‌ కలిపిన నీటితో నానబెట్టి ఉతికితే మరకలు తొలగిపోతాయి.

ఇంట్లో తలుపులు, కిటికీలు తీసేటప్పుడు శబ్దం చీకాకు తెప్పిస్తుంటే.. రెండు చుక్కల డిష్‌ సోప్‌ను తలుపు మధ్య ఉన్న స్క్రూలపై వేస్తే ఫలితం ఉంటుంది.