ఇల్లు నిర్మించే ముందు యజమాని స్థానిక మున్సిపల్‌ అధికారుల నుంచి బిల్డింగ్‌ అప్రూవల్‌ ప్లాన్‌ ఆమోదం పొందాలి. మరి అది మీరు కొనే ఇంటికి ఉందో లేదో చెక్‌ చేయాలి.
ఇంటి పన్ను చెల్లింపునకు సంబంధించిన రశీదులను అడగాలి. అందులో యజమాని వివరాలు సరిగా ఉన్నాయో లేదో పరిశీలించాలి. పన్ను బకాయిలు ఉంటే అవి చెల్లించే బాధ్యత విక్రేతదే.
ఇందులో ఆస్తికి సంబంధించి యజమాని వివరాలు, ఇప్పటి వరకు ఆస్తిపై జరిగిన లావాదేవీల వివరాలుంటాయి. ఆస్తిపై ఏదైనా రుణాలున్నాయా లేవా అనే విషయాన్ని కూడా ఈ సర్టిఫికెట్‌ తెలియజేస్తుంది.
ఒకవేళ మీరు డెవలపర్ల వద్ద ఇల్లు కొనుగోలు చేస్తున్నట్లయితే ఇంటి నిర్మాణానికి సంబంధిత ప్రభుత్వ శాఖల నుంచి ‘నో అబ్జెక్షన్‌’ సర్టిఫికెట్‌ ఉందో లేదో అడగాలి. ఎన్‌ఓసీ లేకపోతే చిక్కుల్లో పడతారు.
మున్సిపల్‌ రికార్డుల్లో ఆస్తి వివరాలు, ఆస్తి యజమాని వివరాలు నమోదై ఉంటే యజమానికి ఓనర్‌షిప్‌ సర్టిఫికెట్‌ మంజూరు చేస్తారు. ఆ సర్టిఫికెట్‌ ఉంటేనే కొనుగోలు చేయడం మంచిది.
యజమాని తన తరఫున మరో వ్యక్తికి ఆస్తిపై హక్కులు ఇవ్వడానికి ఉన్న చట్టపరమైన ప్రక్రియ ఇది. దీని ద్వారా ఒకరి ఆస్తికి మరొకరు హక్కుదారు కావొచ్చు. ఇలాంటివి ఏమైనా ఉన్నయేమో చూడాలి.
వ్యవసాయ భూమిని వ్యవసాయేతర ప్రయోజనాలకు ఉపయోగిస్తే అందుకు ప్రభుత్వం నుంచి ల్యాండ్‌ కన్వర్షన్‌ సర్టిఫికేట్‌ తెచ్చుకోవాలి. ఒకవేళ మీరు కొనుగోలు చేసే ఆస్తి వ్యవసాయ భూమిలో ఉంటే.. ఈ సర్టిఫికెట్‌ కచ్చితంగా అడగాలి.