క్రెడిట్‌ స్కోర్‌ 750కి మించి ఉంటే రుణం మంజూరయ్యే అవకాశాలు ఎక్కువ. అలాంటి వారికి వడ్డీ రేట్లు తక్కువగా ఉంటాయి.

వీలైనంత ఎక్కువగా డౌన్‌పేమెంట్‌ కడితే భవిష్యత్తులో రుణ భయం ఉండదు. రుణం మంజూరయ్యే అవకాశాలూ మెరుగుపడుతాయి. ఈఎంఐ భారమూ తగ్గుతుంది.

రుణం తీసుకున్నప్పుడు ఈఎంఐ చెల్లించే సామర్థ్యం ముఖ్యం. అందుకే గత రుణ బకాయిలను ముందే క్లియర్‌ చేస్తే ప్రస్తుత ఈఎంఐని సులభంగా చెల్లించవచ్చు.

ఆదాయానికి మించి ఈఎంఐలు లేకుండా చూసుకోవాలి. నెలవారీ ఆదాయంలో ఈఎంఐ 50-60 శాతానికి ఎక్కువ కాకుండా ఉండేలా ప్లాన్‌ చేసుకోవాలి.

ఏ క్షణంలో ఎలాంటి ఆర్థిక విపత్తు సంభవిస్తుందో తెలియదు. అందుకే అత్యవసర నిధి కింద ఆరు నెలల ఈఎంఐకి సరిపడా డబ్బులు పెట్టుకోవాలి.

రుణం కోసం ఒకే బ్యాంకును కాకుండా వేర్వేరు బ్యాంకులను సంప్రదించాలి. వడ్డీ రేట్లు, కాలపరిమితి, ఇతర విషయాలు చూసుకోవాలి.

నిర్దిష్ట ఆదాయం ఉన్న సహ దరఖాస్తుదారు ఉంటే రుణం తొందరగా మంజూరయ్యే అవకాశం ఉంటుంది. దరఖాస్తుదారు స్త్రీ అయితే కొన్ని సంస్థలు వడ్డీ రేట్లు తగ్గిస్తాయి.

రుణానికి సంబంధించి బ్యాంకు డాక్యుమెంట్లలో పేర్కొన్న నిబంధనలు, షరతులు కచ్చితంగా చదవాలి. వీలు కాకుంటే ఆర్థిక నిపుణుల సాయం తీసుకోవాలి.

మీ వద్ద ఎక్కువ మొత్తం డబ్బు ఉన్నప్పుడు అదనపు ఈఎంఐ కడితే గృహ రుణం అనుకున్న సమయం కంటే ముందుగానే తీరిపోతుంది.