సాయి పల్లవి

మలయాళం ‘ప్రేమమ్‌’తో సినీ ప్రేక్షకుల్ని కట్టిపడేసిన సాయి పల్లవి.. ఇప్పుడు టాలీవుడ్‌లో టాప్‌ హీరోయిన్‌. మంచి డ్యాన్సర్‌. చదువులో ఎప్పుడూ ముందుండే ఈ హైబ్రీడ్‌ పిల్ల.. జార్జియాలో వైద్యవిద్య పూర్తి చేసింది.

Image: Instagram

శివాని రాజశేఖర్‌

నటుడు.. డాక్టర్‌ రాజశేఖర్‌ పెద్ద కుమార్తె శివాని రాజశేఖర్‌ ఇప్పుడిప్పుడే హీరోయిన్‌గా రాణిస్తోంది. ‘అద్భుతం’తో తెరంగేట్రం చేసిన శివాని కూడా ఎంబీబీఎస్‌ చదివింది.

Image: Instagram

శ్రీలీల

కె. రాఘవేంద్రరావు దర్శకత్వ పర్యవేక్షణలో తెరకెక్కిన ‘పెళ్లి సందD’తో హీరోయిన్‌గా ఎంట్రీ ఇచ్చింది శ్రీలీల. అమెరికాలో పుట్టి.. బెంగళూరులో పెరిగిన ఈ తెలుగమ్మాయి వైద్యవిద్యను అభ్యసిస్తోంది.

Image: Instagram

ఐశ్వర్య లక్ష్మి

‘గాడ్సే’తో తెలుగు వారికి పరిచయమైన మలయాళీ భామ.. ఐశ్వర్య లక్ష్మి కూడా డాక్టరే. కేరళలోని ఎర్నాకుళంలో శ్రీనారాయణ ఇన్‌స్టిట్యూట్‌ ఆఫ్‌ మెడికల్‌ సైన్స్‌లో ఎంబీబీఎస్‌ పూర్తి చేసింది. ఇటీవల ఆమె నటించిన ‘అమ్ము’ ఓటీటీలో విడుదలై మంచి టాక్‌ తెచ్చుకుంది.

Image: Instagram

అదితి శంకర్‌

కార్తి హీరోగా వచ్చిన ‘విరుమన్‌’తో దిగ్గజ దర్శకుడు చిన్న కుమార్తె అదితి శంకర్‌ హీరోయిన్‌గా మారింది. నటిగా తన కెరీర్‌ను ప్రారంభించకముందే చెన్నైలోని ఓ వర్సిటీలో ఎంబీబీఎస్‌ చదువుకుంది. అదితి.. గాయని కూడా. వరుణ్‌ తేజ్‌ ‘గని’లో ఓ పాట పాడింది.

Image: Instagram

మానుషి చిల్లర్‌

మాజీ ప్రపంచ సుందరి మానుషి చిల్లర్‌.. మోడలింగ్‌లో రాణిస్తూనే హరియాణాలోని భగత్‌ ఫూల్‌ సింగ్‌ మెడికల్‌ కాలేజ్‌లో వైద్యవిద్య పూర్తి చేసింది. ‘పృథ్వీరాజ్‌’తో కథానాయికగా బాలీవుడ్‌లో తెరంగేట్రం చేసింది.

Image: Instagram

రూప కొడువయూర్‌

సత్యదేవ్‌ హీరోగా 2020లో విడుదలైన ‘ఉమామహేశ్వర ఉగ్రరూపస్య’లో తొలిసారి నటించింది రూప కొడువయూర్‌. ఆంధ్రప్రదేశ్‌లో ఎంబీబీఎస్‌ చేసింది. ప్రస్తుతం ‘బిగ్‌బాస్‌’ ఫేమ్‌ సోహైల్‌ హీరోగా తెరకెక్కుతోన్న ‘మిస్టర్‌ ప్రెగ్నెంట్‌’లో నటిస్తోంది.

Image: Instagram

అదితి గోవిత్రికర్‌

‘తమ్ముడు’లో పవన్‌ కల్యాణ్‌ గర్ల్‌ఫ్రెండ్‌ ‘లవ్లీ’ పాత్రలో నటించింది ఈవిడే. ఆ తర్వాత బాలీవుడ్‌కే పరిమితమైంది. 1997లోనే ఎంబీబీఎస్‌ పూర్తి చేసింది. గైనకాలజీలో ఎం.ఎస్‌ చేసి ఆ తర్వాత మోడలింగ్‌.. సినిమాల్లోకి వచ్చింది. 

Image: Instagram

ఆకాంక్ష సింగ్‌

సుమంత్‌ ‘మళ్లీ రావా’.. నాగార్జున, నాని కలిసి నటించిన ‘దేవదాసు’తో అలరించిన నటి ఆకాంక్ష సింగ్‌. ఆమె వైద్యురాలు కాకపోయినా.. వైద్య విద్యలో భాగమైన ఫిజియోథెరపీ చదువుకుంది. పలు టీవీ సీరియల్స్‌లో నటించిన తర్వాత హీరోయిన్‌ అవడం విశేషం.

Image: Instagram