కేరళలో తప్పక చూడాల్సిన ప్రదేశాలు

అలెప్పీ అలెప్పీలోని ఉప్పునీటి సరస్సులు, సముద్ర తీర ప్రాంతాలు, నదులు, కాలువలు పర్యాటకులను మంత్రముగ్ధుల్ని చేస్తాయి. ముఖ్యంగా బ్యాక్ వాటర్‌లో హౌస్ బోట్ షికారు ప్రత్యేక అనుభూతినిస్తుంది. Source:Twitter

మున్నార్‌ కేరళలోని అత్యంత అందమైన హిల్ స్టేషన్లలో మున్నార్ ఒకటి. ఎటుచూసినా తేయాకు తోటలు దర్శనమిస్తాయి. సుందరమైన జలపాతాలు, పొగమంచు పర్వతాలతో ఈ ప్రాంతం ఎంతో రమణీయంగా ఉంటుంది. Source:Twitter

త్రిస్సూర్‌ త్రిస్సూర్‌ కేరళ సాంస్కృతిక రాజధాని. ఈ పట్టణంలో అనేక దేవాలయాలు, చర్చిలున్నాయి. ఏటా భారీ స్థాయిలో నిర్వహించే త్రిస్సూర్ పూరమ్‌ ఉత్సవాలు ప్రధాన ఆకర్షణ. వడక్కునాథన్‌ ఆలయం, అతిరపల్లి జలపాతాలు తప్పక చూడాల్సిందే. Source:Twitter

కోవలం ఆహ్లాదకరమైన వాతావరణం, చల్లని గాలి, బంగారువర్ణంలో మెరిసే మెత్తని ఇసుక, ఎత్తైన కొబ్బరి చెట్లతో ఈ ప్రదేశం స్వర్గాన్ని తలపించే విధంగా ఉంటుంది. లైట్‌ హౌస్‌ బీచ్‌, హవా బీచ్‌, రాతి గుహలు చూడవలసిన ప్రదేశాలు. Source:Twitter

వయనాడ్‌ అనేక జలపాతాలు, గుహలు, సరస్సులు, ఆనకట్టలు ఉన్న ఈ ప్రాంతం పచ్చదనంతో కళకళలాడుతుంది. బాణాసుర సాగర్ ఆనకట్ట, కురువద్వీప్, లక్కిడి వ్యూ పాయింట్ చూడదగిన ప్రదేశాలు. Source:Twitter

తిరువనంతపురం సముద్ర తీరాలు, కొబ్బరి, ఈత చెట్లతో ఈ నగరం ఎంతో ఆకర్షణీయంగా ఉంటుంది. శ్రీ అనంత పద్మనాభ స్వామి ఆలయం ప్రధాన ఆకర్షణ. అట్టుకల్ ఆలయం, నేపియర్ మ్యూజియం, కౌడియర్ ప్యాలెస్ చూడాల్సిన ప్రదేశాలు. Source:Twitter

కోళికోడ్ మలబార్ తీరంలో ఉండే ఈ నగరం చర్చిలు, దేవాలయాలు, అభయారణ్యాలు, జలపాతాలతో చూడముచ్చటగా ఉంటుంది. తుషారగిరి జలపాతం, కోళికోడ్ బీచ్ చూడదగిన ప్రదేశాలు. Source:Twitter

తెక్కడి తెక్కడి అటవీ ప్రాంతంలో ఎటుచూసినా ప్రకృతి రమణీయత ఉట్టిపడుతుంది. ఇది ఇడుక్కి జిల్లాలో ఉంది. పెరియార్ వన్యమృగ సంరక్షణా కేంద్రం ప్రధాన ఆకర్షణ. Source:Twitter

కొచ్చి కేరళ ఆర్థిక రాజధాని అయిన కొచ్చి పర్యాటకంగా కూడా పేరొందింది. పోర్ట్ కొచ్చి బీచ్‌, చైనీస్‌ ఫిషింగ్‌ నెట్స్‌ చూడదగిన ప్రదేశాలు. Source:Twitter

రాష్ట్రానికో ఫేమస్‌ రైస్‌ డిష్‌! ప్రపంచంలోని టాప్‌-10 ప్రశాంతమైన దేశాలివే! ప్రపంచంలోనే ఎక్కువ సమయం పట్టే విమాన ప్రయాణాలు Eenadu.net Home