బాలీవుడ్‌ బ్యూటీ సోనాక్షి సిన్హా.. వెబ్‌సిరీస్‌లో అడుగుపెట్టింది. తొలిసారిగా తను నటించిన వెబ్‌సిరీస్‌ ‘దాహడ్‌’ తాజాగా అమెజాన్‌ ప్రైమ్‌ వీడియోలో విడుదలైంది.

Image: Instagram/Sonakshi sinha

క్రైమ్‌, థ్రిల్లర్‌ జానర్‌లో రూపొందిన ఈ వెబ్‌సిరీస్‌లో సోనాక్షి.. అంజలి భాటి అనే పోలీస్‌ ఆఫీసర్‌ పాత్ర పోషించింది.

Image: Instagram/Sonakshi sinha

బాలీవుడ్‌ నటుడు శత్రఘ్న సిన్హా వారసురాలిగా ఇండస్ట్రీలోకి వచ్చిన సోనాక్షి.. సల్మాన్‌ ఖాన్‌తో ‘దబాంగ్‌’తో తెరంగేట్రం చేసింది.

Image: Instagram/Sonakshi sinha

ఈ తర్వాత ‘రౌడీ రాథోడ్‌’, ‘జోకర్‌’, ‘దబాంగ్‌ 2’ తదితర చిత్రాలతో బాలీవుడ్‌లో తనకంటూ ప్రత్యేక గుర్తింపు తెచ్చుకుంది సోనాక్షి.

Image: Instagram/Sonakshi sinha

ఓ వైపు హీరోలకు జోడీగా.. గ్లామరస్‌ పాత్రలు చేస్తూనే.. మరోవైపు మహిళా ప్రాధాన్యం ఉన్న చిత్రాల్లో నటిస్తూ మెప్పిస్తోంది. 

Image: Instagram/Sonakshi sinha

గతేడాది.. హ్యుమా ఖురేషితో కలిసి ‘డబుల్‌ ఎక్స్‌ఎల్‌’తో ప్రేక్షకుల ముందుకొచ్చింది. ఈ చిత్రంలో లావుగా కనిపించడం కోసం సోనాక్షి.. దాదాపు 15 కిలోల బరువు పెరిగింది.

Image: Instagram/Sonakshi sinha

ఈ బీటౌన్‌ బ్యూటీ.. బాలీవుడ్‌ను దాటి కోలీవుడ్‌లో ‘లింగా’ అనే సినిమాలో నటించింది. రజనీకాంత్‌ హీరోగా కే.ఎస్‌. రవి కుమార్‌ తెరకెక్కించిన చిత్రమది.

Image: Instagram/Sonakshi sinha

సోనాక్షి నటిగానే కాదు.. గాయనిగానూ మెప్పిస్తోంది. ‘తేవర్‌’, ‘అఖీరా’, ‘నూర్‌’ తదితర చిత్రాలు, పలు వీడియో ఆల్బమ్స్‌లో పాటలు పాడింది. 

Image: Instagram/Sonakshi sinha

ప్రస్తుతం సోనాక్షి.. ‘కకుడ’, ‘కిఖితా రాయ్‌ అండ్‌ బుక్‌ ఆఫ్‌ డార్క్‌నెస్‌’, ‘బడే మియా చోటే మియా’ చిత్రాల్లో నటిస్తోంది. 

Image: Instagram/Sonakshi sinha

సంజయ్‌ లీలా భన్సాలీ రూపొందిస్తున్న వెబ్‌సిరీస్‌ ‘హీరామండీ’లోనూ సోనాక్షి నటిస్తోంది. ఇందులో ఈమెతోపాటు మనీషా కొయిరాలా, అదితీరావ్‌ హైదరీ, రిచా చద్దా తదితరులు నటిస్తున్నారు. 

Image: Instagram/Sonakshi sinha

సోషల్‌మీడియాలో చాలా యాక్టివ్‌గా ఉండే సోనాక్షికి.. ఇన్‌స్టాలో 25.8 మిలియన్‌ ఫాలోవర్స్‌ ఉన్నారు.  

Image: Instagram/Sonakshi sinha