మనిషి సహజ పద్ధతిలో ఆరోగ్యంగా ఉండటానికి ఈ 8 పద్ధతులు పాటించాలని తాజాగా ఇండియన్‌ కౌన్సిల్‌ ఆఫ్‌ మెడికల్‌ రీసెర్చ్‌(ఐసీఎంఆర్‌)-నేషనల్‌ ఇన్‌స్టిట్యూట్‌ ఆఫ్ న్యూట్రిషన్‌ సంస్థ ట్విటర్‌ వేదికగా ఓ పోస్టు చేసింది. అవేంటంటే..

Image: Twitter

1. డైట్‌

మంచి పౌష్టికాహారం తీసుకోవాలి. దీని ద్వారా శరీరానికి కావాల్సిన పోషకాలు అంది ఆరోగ్యంగా ఉండగలం. అనారోగ్యం దరిచేరదు. 

Image: RKC

2. సన్‌షైన్‌

శరీరానికి.. ముఖ్యంగా ఎముకల దృఢత్వానికి విటమిన్‌ డి ఎంతో అవసరం అది ఎక్కువగా సూర్యరశ్మి ద్వారానే లభిస్తుంది. కాబట్టి రోజులో కాసేపు ఎండలో నిల్చోవాలి.

Image: RKC

3. ఎక్సర్‌సైజ్‌

శరీరం ఫిట్‌గా ఉండాలన్నా.. ఆరోగ్యంగా జీవించాలన్నా వ్యాయామం చేయడం తప్పనిసరి. రోజూ వ్యాయామం/యోగా/ధ్యానం చేయండి.

Image: RKC

4. పర్సనల్‌ హైజీన్‌

ఆరోగ్యంగా ఉండాలంటే పరిశుభ్రత ముఖ్యం. ఇంటి విషయంలోనే కాదు, వ్యక్తిగతంగానూ శుభ్రత పాటించాలి. చేతులు శుభ్రంగా ఉంచుకోవాలి.

Image: RKC

5. ఎయిర్‌

రోజులో కాసేపు అయినా స్వచ్ఛమైన గాలిని పీల్చుకోవాలి. అప్పుడే శరీరంలో ఆక్సిజన్‌ స్థాయులు పెరుగుతాయి.

Image: RKC

6. రెస్ట్‌

శరీరానికి తగిన విశ్రాంతినివ్వాలి. అప్పుడే పనితీరు మెరుగవుతుంది. ఇందుకు రోజులో కనీసం 8 గంటలు తగ్గకుండా నిద్రపోవాలి.

Image: RKC

7. వాటర్‌

శరీరం డీహైడ్రేట్‌ కాకుండా ఉండాలంటే.. వీలైనంత ఎక్కువ నీరు తాగాలి. అప్పుడే చర్మం కూడా తేమతో ఉండి యవ్వనంగా కనిపిస్తారు.

Image: RKC

8. స్క్రీన్‌ టైం

ఈ కాలంలో టీవీలు, డిజిటల్‌ స్క్రీన్స్‌ చూడకుండా ఉండటం కష్టమే. కానీ, వీలైనంత తగ్గించుకుంటే మంచిది. మీ స్క్రీన్‌ టైం రోజులో 2-3 గంటలకు మించకుండా చూసుకోండి.

Image: RKC