టాలీవుడ్‌ స్టార్‌ హీరోయిన్‌ సమంతకు ఆంధ్రప్రదేశ్‌లోని బాపట్లకు చెందిన సందీప్‌ వీరాభిమాని. సమంతపై ఉన్న అభిమానంతో తన ఇంటి ఆవరణలోనే ఆమెకు గుడి నిర్మించాడు. సామ్‌కే కాదు.. గతంలో మరికొందరు హీరోయిన్లకూ వారి అభిమానులు గుళ్లు కట్టారు. ఎవరెవరికంటే...

Image: Instagram

కుష్బూ సుందర్‌

కుష్బూ.. 90వ దశకంలో అటు తమిళ్‌, ఇటు తెలుగులో స్టార్‌ హీరోయిన్‌గా కొనసాగింది. దీంతో ఎంతో మంది అభిమానులను సొంతం చేసుకుంది. వారిలో కొందరు తమిళనాడులోని తిరుచిరాపల్లిలో కుష్బూకి గుడి కట్టారు.

Image: Instagram

నమిత

‘సొంతం’, ‘జెమిని’, ‘సింహా’ తదితర సినిమాలతో తెలుగువారికి దగ్గరైన నమితకు.. కోలీవుడ్‌లో భారీ అభిమానగణమే ఉంది. అందుకే, ఈమెకు తమిళనాడులోని కోయంబత్తూర్‌, తిరునవెల్లి, మరో చోట మొత్తం మూడు ఆలయాలు నిర్మించారు.

Image: Instagram

హన్సిక

టాలీవుడ్‌లో తొలి చిత్రం‘దేశముదురు’తోనే స్టార్‌ హీరోయిన్‌గా మారింది హన్సిక. కోలీవుడ్‌లోనూ చాలా సినిమాల్లో నటించింది. హన్సికపై అభిమానంతో కొందరు చెన్నై శివారులో ఆమె విగ్రహాన్ని ఏర్పాటు చేసి ఆలయం నిర్మించారు.

Image: Instagram

నిధి అగర్వాల్‌

యంగ్‌ హీరోయిన్‌ నిధి అగర్వాల్‌కు తమిళనాడులో మంచి ఫ్యాన్‌ ఫాలోయింగ్‌ ఉంది. ఈ నేపథ్యంలో కొందరు అభిమానులు చెన్నైలో ఆమె విగ్రహం తయారు చేసి గుడి కట్టారు. 

Image: Instagram

నగ్మా

నగ్మా.. 90వ దశకంలో టాలీవుడ్‌, కోలీవుడ్‌లో క్రేజీ హీరోయిన్‌గా కొనసాగింది. బోలెడు మంది అభిమానులను సొంతం చేసుకుంది. ఈ క్రమంలో తమిళనాడు వ్యాప్తంగా పలు చోట్ల ఆమెకు ఆలయాలు నిర్మించారు. కాలక్రమంలో అవి కనుమరుగయ్యాయి.

Image: Instagram

పూజా ఉమాశంకర్‌

ఇండో-శ్రీలంక నటి పూజా ఉమాశంకర్‌ ఎక్కువగా తమిళ చిత్రాల్లో నటించింది. ‘ఆరెంజ్‌’లో అతిథి పాత్ర పోషించింది. ఈమెకు శ్రీలంకలోని కొలంబోలో అభిమానులంతా ఓ గుడి కట్టారు.

Image: Instagram

కాజల్‌ అగర్వాల్‌

కాజల్‌ అగర్వాల్‌ నటించిన ఓ సినిమా కోసం తమిళనాడులోని ఓ ప్రాంతంలో ఆలయం సెట్‌ వేయగా.. అందులో కొందరు అభిమానులు కాజల్‌కి గుడి నిర్మించబోయారు. కాజల్‌ వారించడంతో నిర్ణయాన్ని వెనక్కి తీసుకున్నారు. 

Image: Instagram

నయనతార

దక్షిణాది లేడీ సూపర్‌స్టార్‌గా ఎదిగిన హీరోయిన్‌ నయనతారకు హీరోలకు ఉన్నంత ఫ్యాన్‌డమ్‌ ఉంది. ఆమె కోసం ఓ గుడి కట్టాలని అభిమానులు నిర్ణయించుకోగా.. నయన్‌ దానికి నిరాకరించారు.

Image: Instagram