అంతర్జాతీయ క్రికెట్‌లో అన్ని జట్లలో ఫాస్ట్‌ బౌలర్లున్నారు. కానీ, వారిలో గంటకు 150కి.మీ మించిన వేగంతో బౌలింగ్‌ చేసే ఆటగాళ్లు అరుదు. తాజాగా భారత బౌలర్‌ ఉమ్రాన్‌ మాలిక్‌ అత్యంత వేగంతో బంతి వేసి ఇండియన్‌ క్రికెట్‌లో రికార్డు సృష్టించాడు.

Image: Instagram

ఉమ్రాన్‌ మాలిక్‌ (156kph)

శ్రీలంకతో తాజాగా జరిగిన వన్డే మ్యాచ్‌లో ఉమ్రాన్‌.. గంటకు 156 కి.మీ వేగంతో బంతి విసిరి రికార్డు సృష్టించాడు. జనవరి 3న అదే జట్టుతో జరిగిన టీ20 మ్యాచ్‌లో 155/kph వేగంతో బౌలింగ్‌ చేశాడు. ఆ వేగంతో బంతులు వేసిన తొలి భారతీయ బౌలర్‌ ఉమ్రానే.

Image: Instagram

ఇర్ఫాన్‌ పఠాన్‌ (153.7kph)

టీ20 ప్రపంచకప్‌-2007లో పాకిస్థాన్‌తో జరిగిన మ్యాచ్‌లో ఇర్ఫాన్‌ పఠాన్‌ గంటకు 153.7 కి.మీ వేగంతో బంతి వేశాడు. ఆ ప్రపంచకప్‌లో భారత్‌ విజేతగా నిలిచిన విషయం తెలిసిందే. 

Image: RKC

మహమ్మద్‌ షమి (153.3kph)

భారత ఫాస్ట్‌ బౌలర్‌ మహ్మద్‌ షమి కూడా ఈ జాబితాలో ఉన్నాడు. ఆస్ట్రేలియాతో 2014లో జరిగిన టెస్ట్‌ మ్యాచ్‌లో షమి గంటకు 153.3 కి.మీ వేగంతో బంతిని విసిరాడు. 

Image: RKC

జస్ప్రీత్‌ బుమ్రా (153.2kph)

టీమ్‌ఇండియా స్టార్‌ బౌలర్‌గా గుర్తింపు పొందిన బుమ్రా.. తన కెరీర్‌లో అత్యంత వేగమైన బంతిని 2018లో విసిరాడు. బోర్డర్‌-గావస్కర్ ట్రోఫీలో భాగంగా ఆస్ట్రేలియాతో జరిగిన మ్యాచ్‌లో బుమ్రా గంటకు 153.2 స్పీడ్‌తో బౌలింగ్‌ చేశాడు. 

Image: RKC

ఇషాంత్‌ శర్మ (152.6kph)

ఇషాంత్‌.. 2008లో కామన్‌వెల్త్‌ బ్యాంక్‌ సిరీస్‌లో భాగంగా ఆస్ట్రేలియాతో జరిగిన మ్యాచ్‌లో గంటకు 152.6 కి.మీ వేగంతో బౌలింగ్‌ చేశాడు.

Image: RKC

వరుణ్‌ ఆరోన్‌ (152.5kph)

వరుణ్‌ ఆరోన్‌ భారత్‌ తరఫున ఆడింది కొన్ని మ్యాచ్‌లే అయినా.. బౌలర్‌గా సత్తా చాటాడు. 2014లో శ్రీలంకతో జరిగిన ఓ మ్యాచ్‌లో గంటకు 152.5 కి.మీ వేగంతో బంతి వేసి ఆశ్చర్యపర్చాడు.

Image: RKC

ఉమేశ్‌ యాదవ్‌ (152.5kph)

2014లో శ్రీలంకతో జరిగిన ఓ మ్యాచ్‌లో ఉమేశ్‌ యాదవ్‌ గంటకు 152.5 వేగంతో బంతిని విసిరాడు.

Image: RKC

ఇక అంతర్జాతీయ క్రికెట్‌లో అత్యంత వేగంతో బౌలింగ్‌ చేసిన బౌలర్ల జాబితాలో అగ్రస్థానం ఇప్పటికీ పాకిస్థాన్‌ బౌలర్‌ షోయబ్‌ అక్తర్‌ పేరు మీదే ఉంది. ఈ పాక్‌ దిగ్గజ బౌలర్‌ 2003లో ఇంగ్లాండ్‌తో జరిగిన మ్యాచ్‌లో గంటకు 161.3కి.మీ వేగంతో బౌల్‌ చేశాడు. 

Image: RKC