ఈ హీరోయిన్లు దర్శకుల వారసులు!
అదితి శంకర్‌
దిగ్గజ దర్శకుడు శంకర్‌ తనయ అదితి శంకర్‌ తొలిసారి హీరో కార్తితో ‘విరుమన్‌’లో నటించింది. శివకార్తికేయన్‌తో ‘మావీరన్‌’చేస్తోంది. వరుణ్‌ తేజ్‌ ‘గని’లో పాట పాడి గాయనిగానూ నిరూపించుకుంది.
Image: Instagram
ఆలియా భట్‌
హిందీ చిత్ర దర్శకుడు మహేశ్‌ భట్‌ కుమార్తె ఆలియా భట్‌ ప్రస్తుతం బీటౌన్‌లో స్టార్‌ హీరోయిన్. 2012లో ‘స్టూడెంట్‌ ఆఫ్‌ ది ఇయర్‌’తో కెరీర్‌ మొదలుపెట్టి సక్సెస్‌ఫుల్‌ హీరోయిన్‌గా మారింది.
Image: Instagram
కల్యాణి ప్రియదర్శన్‌
సినీ దర్శకుడు ప్రియదర్శన్‌ కుమార్తె కల్యాణి నటిగా తనకంటూ సొంత గుర్తింపు తెచ్చుకుంది. అక్కినేని అఖిల్‌ ‘హలో’తో తెరంగేట్రం చేసిందీ భామ.
Image: Instagram
ఐశ్వర్య అర్జున్
నటుడు, దర్శకుడు అర్జున్ కుమార్తె 2013లోనే విశాల్‌ ‘ధీరుడు’తో సినిమాల్లోకి ఎంట్రీ ఇచ్చింది. పలు కన్నడ, తమిళ సినిమాల్లో నటించింది. త్వరలోనే తెలుగులోనూ నటించనుంది.
Image: Instagram
సయీ మంజ్రేకర్‌
‘అదుర్స్‌’ సినిమాలో విలన్‌గా చేసిన హిందీ దర్శకుడు మహేశ్‌ మంజ్రేకర్‌ కుమార్తె సయీ మంజ్రేకర్‌. వరుణ్‌ తేజ్‌ ‘గని’తో టాలీవుడ్‌కి పరిచయమై.. అడవి శేష్‌ ‘మేజర్‌’లోనూ మెరిసింది.
Image: Instagram
శ్రుతి హాసన్‌
దిగ్గజ నటుడు, దర్శకుడు కమల్‌ హాసన్‌ కుమార్తెగా వెండితెరకు పరిచయమైన శ్రుతి.. తెలుగులో స్టార్‌ హీరోయిన్‌గా మారిపోయింది. నటిగానే కాకుండా సింగింగ్‌, డ్యాన్సింగ్‌లోనూ ఔరా అనిపిస్తోంది.
Image: Instagram
శివాని రాజశేఖర్‌
జీవిత రాజశేఖర్‌ దంపతుల పెద్ద కుమార్తె శివాని ‘అద్భుతం’తో వెండితెరపై ఎంట్రీ ఇచ్చింది. తనదైన నటనతో ప్రేక్షకుల్నిఆకట్టుకుంటోంది.
Image: Instagram
శివాత్మిక రాజశేఖర్‌
జీవిత రాజశేఖర్‌ దంపతుల చిన్న కుమార్తె శివాత్మిక కూడా హీరోయిన్‌గా రాణిస్తోంది. విజయ్‌ దేవరకొండ సోదరుడు ఆనంద్‌ దేవరకొండతో కలిసి ‘దొరసాని’లో నటించింది. వీరిద్దరికీ ఇదే తొలి చిత్రం.
Image: Instagram
యామి గౌతమ్‌
పంజాబీ సినిమా దర్శకుడు ముకేశ్‌ గౌతమ్‌ కుమార్తె యామి గౌతమ్‌. యాడ్స్‌తో పాపులర్‌ అయిన ఈ భామ ‘గౌరవం’తో తెలుగులో పరిచయమైంది. ఇటీవల దర్శకుడు ఆదిత్య ధర్‌ను పెళ్లి చేసుకుంది.
Image: Instagram
సమారా తిజోరి
బాలీవుడ్‌ దర్శకుడు దీపక్‌ తిజోరి కుమార్తె సమారా తిజోరి సైతం సినీ రంగాన్నే ఎంచుకొంది. అభిషేక్‌ బచ్చన్‌ ‘బాబ్‌ బిస్వాస్‌’తో గ్రాండ్‌ ఎంట్రీ ఇచ్చింది. వెబ్‌ సిరీసుల్లోనూ రాణిస్తోంది.
Image: Instagram
విజయలక్ష్మి అగతియన్‌
‘ఈ అబ్బాయి చాలా మంచోడు’ సినిమా దర్శకుడు అగతియన్‌ కుమార్తె విజయలక్ష్మి తమిళ పరిశ్రమలో హీరోయిన్‌గా రాణిస్తోంది. వరుస అవకాశాలతో బిజీగా మారింది.
Image: Instagram