టీ20 ప్రపంచకప్‌లో వరసగా రెండు మ్యాచ్‌ల్లో నెగ్గి ఊపుమీద కనిపించిన భారత్‌.. దక్షిణాఫ్రికాతో జరిగిన మూడో మ్యాచ్‌లో ఓటమిపాలై చతికిలపడింది. దీంతో తన సెమీస్‌ అవకాశాలను మెరుగుపర్చుకోవాలంటే తర్వాతి మ్యాచ్‌లు గెలవాల్సిన పరిస్థితి ఏర్పడింది.

Image:RKC 

ఇలాంటి తరుణంలో టీమ్‌ఇండియా.. బుధవారం బంగ్లాదేశ్‌తో తలపడనుంది. ఈ రెండు జట్లు సెమీస్‌లో చోటు కోసం పోటీపడుతున్నాయి. ఆడిన మూడు మ్యాచ్‌ల్లో రెండు విజయాలు, ఒక ఓటమితో పాయింట్ల పట్టికలో భారత్‌ రెండో స్థానంలో ఉండగా.. బంగ్లా కూడా మూడింట.. రెండు విజయాలతో మూడో స్థానంలో ఉంది.

Image:RKC

మరి ఇప్పటివరకు జరిగిన టీ20 ప్రపంచకప్‌ల్లో ఈ ఇరు జట్లు ఎప్పుడెప్పుడు తలపడ్డాయి, ఏ మ్యాచ్‌లో ఏ జట్టు విజయం సాధించిందో ఓ సారి తెలుసుకుందాం.

Image:RKC

టీ20 ప్రపంచకప్‌లో భారత్‌, బంగ్లాదేశ్ మధ్య మూడు మ్యాచ్‌లు జరిగాయి. ఈ మూడింటిలోనూ టీమ్‌ఇండియానే విజయం సాధించింది.

Image:RKC

ఈ ఇరు జట్లు తొలిసారిగా 2009 పొట్టి ప్రపంచకప్‌లో తలపడ్డాయి. తొలుత బ్యాటింగ్‌ చేసిన భారత్.. 180/5 స్కోరు చేయగా.. లక్ష్యఛేదనలో బంగ్లాదేశ్‌ 8 వికెట్లు కోల్పోయి 155 పరుగులే చేయగలిగింది. దీంతో భారత జట్టు 25 పరుగుల తేడాతో విజయం సాధించింది.

Image:RKC

2010, 2012 టీ20 ప్రపంచకప్‌ల్లో టీమ్ఇండియా, బంగ్లాదేశ్ మధ్య మ్యాచ్‌లు జరగలేదు. 2014 టీ20 ప్రపంచకప్‌లో జరిగిన మ్యాచ్‌లో మొదట బ్యాటింగ్‌ చేసిన బంగ్లాదేశ్ నిర్ణీత ఓవర్లలో 138/7 స్కోరు చేసింది.

Image:RKC

139 పరుగుల లక్ష్యంతో బరిలోకి దిగిన భారత్‌.. రోహిత్‌ శర్మ (56), విరాట్‌ కోహ్లీ (57) అర్ధ శతకాలతో రాణించడంతో 18.3 ఓవర్లలోనే ఛేదించింది.

Image:RKC

భారత్‌లో జరిగిన 2016 టీ20 ప్రపంచకప్‌ సెమీఫైనల్‌లో టీమ్‌ఇండియా, బంగ్లాదేశ్‌ చివరిసారిగా తలపడ్డాయి. తొలుత బ్యాటింగ్‌ చేసిన టీమ్‌ఇండియా నిర్ణీత ఓవర్లలో 146/7 స్కోరు చేసింది.

Image:RKC

బంగ్లాదేశ్ విజయానికి చివరి ఓవర్‌లో 11 పరుగులు అవసరం కాగా.. తొలి మూడు బంతుల్లోనే 9 పరుగులు రావడంతో మ్యాచ్‌ ఉత్కంఠభరింతంగా మారింది. కానీ, అనూహ్యంగా ఆఖరి మూడు బంతులకూ వికెట్లు దక్కడంతో భారత్‌ ఒక్క పరుగు తేడాతో గట్టెక్కింది.

Image:RKC