టీమ్‌ఇండియా క్రికెటర్‌ శిఖర్ ధావన్‌ బాలీవుడ్‌లోకి ఎంట్రీ ఇస్తున్నాడు. ప్రముఖ కథానాయికలు సోనాక్షి సిన్హా, హ్యూమా ఖురేషీ ప్రధాన పాత్రల్లో నటించిన ‘డబుల్‌ ఎక్స్‌ఎల్‌’లో అతిథి పాత్రలో నటించాడు. మరి ధావన్‌ కంటే ముందు సినిమాల్లో నటించిన భారత క్రికెటర్లెవరో ఓ లుక్కేద్దాం. 

Image:Eenadu

భారత మాజీ బ్యాటర్‌ వినోద్‌ కాంబ్లీ 1991 నుంచి 2000 వరకు భారత క్రికెట్‌కు ప్రాతినిధ్యం వహించారు. కొన్ని కారణాల వల్ల అర్ధాంతరంగా క్రికెట్‌కు దూరమైన కాంబ్లీ 2002లో విడుదలైన ‘అనర్థ్‌’ చిత్రంలో నటించి ఆకట్టుకున్నారు. 

Image:Eenadu

భారత్‌కు తొలి వన్డే ప్రపంచకప్‌ను అందించిన కపిల్ దేవ్‌ పలు సినిమాల్లో కనిపించారు. ‘ఇక్బాల్‌’, ‘ముజ్‌సే షాదీ కరోగీ’, ‘చెయిన్‌ కులీకి మే కులీ’ చిత్రాల్లో చిన్న పాత్రల్లో నటించారు.

Image:Eenadu

భారత మాజీ స్పిన్నర్‌ హర్భజన్‌ సింగ్‌ ‘విక్టరీ’, ‘ముజ్‌సే షాదీ కరోగీ’, ‘ఫ్రెండ్‌షిప్‌’, ‘డిక్కిలోనా’తోపాటు మరో రెండు సినిమాల్లో నటించారు. 

Image:Eenadu 

భారత మాజీ ఆటగాడు నవజ్యోత్‌ సింగ్‌ పలు టీవీ షోల్లో పాల్గొంటూనే ‘ముజ్‌సే షాదీ కరోగీ’, ‘విక్టరీ’, ‘మేరా పింద్‌’ వంటి చిత్రాల్లో అతిథి పాత్రలు చేశారు.

Image:SocialMedia

టీమ్‌ఇండియాకు 1992-2000 మధ్య సేవలందించిన అజయ్‌ జడేజా 2003లో ‘ఖేల్‌’ అనే చిత్రంలో నటించారు.

Image:Eenadu  

సునీల్‌ గవాస్కర్‌ క్రికెటర్‌గా తన కెరీర్‌ ముగిసిన తర్వాత పలు సినిమాల్లో చిన్న పాత్రల్లో కనిపించారు. మరాఠీ చిత్రం ‘సావ్లీ ప్రేమాచి’ చిత్రంలో ప్రధాన పాత్ర పోషించడం విశేషం.

Image:Eenadu  

ఇటీవల విడుదలైన విక్రమ్‌ ‘కోబ్రా’లో భారత మాజీ ఫాస్ట్‌ బౌలర్‌ ఇర్ఫాన్‌ పఠాన్‌ నటించారు. ‘ముజ్‌సే షాదీ కరోగీ’లో అథితి పాత్రలో కనిపించారు.

Image:Eenadu

భారత మాజీ ఫాస్ట్‌ బౌలర్‌ శ్రీశాంత్‌ ‘అక్సర్‌-2’, ‘క్యాబరెట్‌’, ‘టీమ్‌ 5’ తదితర చిత్రాల్లో నటించారు. 

Image:Eenadu