ఈటీవీలో ప్రసారమయ్యే ‘జబర్దస్త్‌’ కామెడీ షోలో యాంకర్‌గా చేసి ప్రేక్షకుల్లో బాగా పాపులారిటీ సంపాదించింది అనసూయ భరద్వాజ్‌. ఇప్పుడు సినిమాలతో బిజీగా మారిపోయింది.

Image: Instagram/Anasuya

సందీప్‌ కిషన్‌ హీరోగా నటించిన ‘మైఖేల్‌’లో అనసూయ ‘ది మ్యాడ్‌ క్వీన్‌’గా మెప్పించింది. ఫిబ్రవరి 3న ఈ చిత్రం విడుదలైంది.

Image: Instagram/Anasuya

ఓ వైపు యాంకరింగ్‌ చేస్తూనే సినిమాల్లో కీలక పాత్రలు పోషించడంతో.. అను క్రేజ్‌ బుల్లితెర నుంచి వెండితెరకు పాకింది.

Image: Instagram/Anasuya

దీంతో ‘జబర్దస్త్‌’కి గుడ్‌బై చెప్పింది. యాంకరింగ్‌కి బ్రేక్‌ ఇచ్చి సినిమాలపై ఫోకస్‌ పెట్టింది అను.

Image: Instagram/Anasuya

నిజానికి అనసూయ తొలిసారి కనిపించింది వెండితెరపైనే.. ఎన్టీఆర్‌ ‘నాగ(2003)’లో జూనియర్‌ ఆర్టిస్ట్‌గా చేసింది.

Image: Instagram/Anasuya

ఆ తర్వాత చదువుపై దృష్టి పెట్టింది. భద్రుక కాలేజ్‌లో ఎంబీఏ చదువుకుంది. ఓ కంపెనీలో హెచ్‌ఆర్‌గా ఉద్యోగం చేసింది. కొన్నాళ్లు న్యూస్‌ రీడర్‌గానూ పనిచేసింది.  

Image: Instagram/Anasuya

‘జబర్దస్త్‌’తో యాంకర్‌గా కొత్త కెరీర్‌ మొదలుపెట్టి.. తెలుగు టెలివిజన్‌లో టాప్‌ యాంకర్‌గా నిలిచింది. అనేక షోలు, అవార్డు వేడుకల్లో వ్యాఖ్యాతగా వ్యవహరించింది. ఇప్పుడు సిల్వర్‌ స్క్రీన్‌పై తనదైన ముద్ర వేస్తోంది. 

Image: Instagram/Anasuya

అను.. నటిగా నాగార్జున ‘సొగ్గాడే చిన్ని నాయన’లో వెండితెరపై మళ్లీ మెరిసింది. అడివి శేష్‌ ‘క్షణం’, ‘కథనం’, ‘థ్యాంక్‌ యు బ్రదర్‌’, ‘దర్జా’లో ప్రధాన పాత్రలు పోషించింది. 

Image: Instagram/Anasuya

సుకుమార్‌-రామ్‌చరణ్‌ కాంబోలో వచ్చిన ‘రంగస్థలం’లో రంగమ్మత్తగా అలరించింది. ఈ పాత్రకు గానూ తనకు ఫిల్మ్‌ఫేర్‌ అవార్డు దక్కింది. సుకుమార్‌-అల్లు అర్జున్‌ కాంబోలో వచ్చిన ‘పుష్ప’లో అను పాత్ర ఆశ్చర్యపోయేలా చేసింది. 

Image: Instagram/Anasuya

ఇక.. ‘విన్నర్‌’, ‘ఎఫ్‌-2’, ‘30 రోజుల్లో ప్రేమించడం ఎలా’, ‘చావు కబురు చల్లగా’లో ప్రత్యేక గీతాల్లో ఆడిపాడింది. మమ్ముట్టి నటించిన ‘భీష్మపర్వం’తో మలయాళీ చిత్రసీమలోనూ అడుగుపెట్టింది.

Image: Instagram/Anasuya

సోషల్‌మీడియాలో యాక్టివ్‌గా ఉండే అనసూయ.. ఎప్పటికప్పుడు తన అప్‌డేట్స్‌ను పంచుకుంటూ అభిమానులకు చేరువగా ఉంటుంది.

Image: Instagram/Anasuya 

వివాహమైన తర్వాత కూడా విజయవంతంగా కెరీర్‌ను కొనసాగిస్తున్న అనసూయను అభిమానించేవాళ్లు చాలా మందే ఉన్నారు.

Image: Instagram/Anasuya

కానీ, కొన్ని అంశాల్లో అనసూయ తీరు వివాదాస్పదమవుతుంటుంది. వాటిపై నెటిజన్లు విమర్శిస్తుంటారు. అంతే దీటుగా వారికి అను సమాధానం చెబుతుంటుంది.

Image: Instagram/Anasuya

ప్రస్తుతం అనసూయ ‘పుష్ప-2’, ‘రంగమార్తండ’, ప్రభుదేవా 60వ చిత్రం ‘వుల్ఫ్‌’లో నటిస్తోంది. 

Image: Instagram/Anasuya