ప్రేమ కథలో నటించాలనుంది..!
ఇటీవల‘వధువు’ వెబ్సిరీస్తో ఆకట్టుకున్న అవికా గోర్ తాజాగా ‘ఉమాపతి’ సినిమాతో ప్రేక్షకుల ముందుకొచ్చింది. ఈ చిత్రం డిసెంబరు 29న విడుదలైంది.
అనురాగ్ హీరోగా నటించిన ఈ చిత్రానికి సత్య ద్వారం పూడి దర్శకుడు. ఇందులో పల్లెటూరి అమ్మాయిగా ఉమ పాత్రలో కనిపించి ఆకట్టుకుంది.
ఈ ఏడాది తెలుగులో ‘పాప్కార్న్’,‘1920: హారర్స్ ఆఫ్ద హార్ట్’ చిత్రాలు.. ‘వధువు’, ‘మ్యాన్షన్ 24’ వెబ్ సిరీస్లతో అలరించిందీ చిన్నారి పెళ్లికూతురు.
నందు సరసన ‘అగ్లీ స్టోరీ’లో నటిస్తోంది. త్వరలో ‘వధువు’ వెబ్సిరీస్ రెండో సీజన్ వచ్చే అవకాశాలున్నట్లు సమాచారం. ప్రస్తుతం వరుస సినిమాలతో ఈ బ్యూటీ బిజీ బిజీగా ఉంది.
‘ఏడేళ్ల వయసులోనే నటిగా ప్రయాణం మొదలుపెట్టాను. తెరపై చాలా సార్లు వధువుగా కనిపించా. అప్పట్లో పెళ్లంటే అర్థం తెలియదు. ‘వధువు’ వెబ్సిరీస్తో పెళ్లికి అర్థం తెలుసుకున్నా’ అని చెబుతుంది అవికా.
ఈ మధ్య ఎక్కువగా సస్పెన్స్, థ్రిల్లర్ చిత్రాల్లోనే నటిస్తున్న అవికాకు.. అవకాశం వస్తే ఓ మంచి ప్రేమకథలో నటించాలని ఉందట. అలాంటి కథ కోసం ఎదురుచూస్తున్నానని అంటోంది.
ఈమె 2021లో ‘అవికా స్క్రీన్ క్రియేషన్స్’ పేరిట నిర్మాణ సంస్థను స్థాపించింది. ‘పాప్కార్న్’ చిత్రం ఈ బ్యానర్పై నిర్మించిందే.
ఈ భామకు సామాజిక బాధ్యత కూడా ఎక్కువే. సమాజంలో మార్పు కోసం నిర్వహించే అవగాహనా కార్యక్రమాల్లో పాల్గొంటుంది. బాల్యవివాహాలకు వ్యతిరేకంగా క్యాంపైన్లు నిర్వహిస్తుంటుంది.
‘గార్లిక్ నూడుల్స్, పావ్ బాజీని బాగా లాగించేస్తాను. ఏ ఆర్ రెహమాన్ కంపోజ్ చేసిన పాటలను ఎక్కువగా వింటాను. హృతిక్ రోషన్కి వీరాభిమానిని’ అని చెప్పింది.
అవికా సోషల్ మీడియాలో యాక్టివ్గా ఉంటుంది. తన ఫొటోలను ఇన్స్టాలో షేర్ చేస్తూ నెటిజన్లని కట్టిపడేస్తోంది. తన ఇన్స్టా ఖాతాకి 1.6 మిలియన్ ఫాలోవర్లున్నారు.