‘ఆర్‌ఆర్‌ఆర్‌’లోని ‘నాటు.. నాటు’ పాటకు గోల్డెన్‌ గ్లోబ్‌ అవార్డు రావడంతో యావత్‌ భారతీయులు హర్షం వ్యక్తం చేశారు. దేశమంతా ఇదే హాట్‌ టాపిక్‌గా మారింది. అయితే, ఆ అవార్డును ప్రకటించిన అందాల సుందరి కూడా చాలా మందిని ఆకర్షించింది. ఇంతకీ ఆమె ఎవరంటే..

Image: Instagram/jennaortega

ఈమె పేరు జెన్నా ఆర్టెగా.. హాలీవుడ్‌ నటి. సినిమా, టీవీ షోల్లో నటిస్తోంది.

Image: Instagram/jennaortega

‘వెడ్నెస్‌డే’ అనే టెలివిజన్‌ సిరీస్‌గానూ ఉత్తమ నటిగా గోల్డెన్‌ గ్లోబ్‌ అవార్డుకు నామినేట్‌ అయ్యింది. కానీ, విజేతగా నిలవలేదు. 

Image: Instagram/jennaortega

జెన్నా ఆర్టెగా 2002 సెప్టెంబరు 27న కొచెల్లా వ్యాలీ, కాలిఫోర్నియా(అమెరికా)లో జన్మించింది. ఆరుగురు పిల్లల్లో నాలుగో సంతానం ఈమె.

Image: Instagram/jennaortega

ఆరో ఏటానే బాలనటిగా కెరీర్‌ ప్రారంభించింది. మొదట్లో చిన్న చిన్న పాత్రలు చేసింది. ఆ తర్వాత ‘జానే ది వర్జిన్‌(2012-19)’సిరీస్‌తో పాపులరైంది. 

Image: Instagram/jennaortega

ఇక 2013లో విడుదలైన ఐరన్‌ మ్యాన్‌-3లో దేశ ఉపాధ్యక్షుడి కుమార్తె పాత్రలో కనిపించి.. వెండితెరకు పరిచయమైంది. 

Image: Instagram/jennaortega

డిస్నీఛానల్‌లో వచ్చిన ‘స్టక్‌ ఇన్‌ ద మిడిల్‌’ సిరీస్‌ జెన్నాకి మరింత మంచి పేరు తీసుకొచ్చింది.

Image: Instagram/jennaortega

‘స్టక్‌ ఇన్‌ ద మిడిల్‌’, ‘ఎలెనా ఆఫ్‌ అవతార్‌’కి గానూ ఇమేజిన్‌ అవార్డును సొంతం చేసుకుంది. ‘స్క్రీమ్‌’లో ఆమె నటనకు ఎంటీవీ మూవీ, టీవీ అవార్డులు దక్కాయి.

Image: Instagram/jennaortega

చిన్న వయసులోనే జెన్నా.. పెద్ద మనసు చాటుకుంది. 2016లో ఓ క్యాన్సర్‌ బాధిత బాలికను కాపాడటం కోసం తన అభిమానుల నుంచి విరాళాలు సేకరించింది. 

Image: Instagram/jennaortega

ఫుట్‌బాల్‌ క్రీడాకారిణి అవ్వాలన్నది తన కల. ఇందుకోసం ఆ ఆట నేర్చుకుంటున్నట్లు వెల్లడించింది. ఇప్పటికే అటాకింగ్‌, మిడ్‌ఫీల్డింగ్‌ చేస్తున్నట్లు తెలిపింది.

Image: Instagram/jennaortega

ప్రస్తుతం జెన్నా.. ‘ఫైనెస్ట్‌కైండ్‌’, ‘స్క్రీమ్‌ 6’, ‘మిల్లర్స్‌ గర్ల్‌’, ‘వింటర్‌, స్ప్రింగ్‌, సమ్మర్‌ ఆర్‌ ఫాల్‌’చిత్రాల్లో నటిస్తోంది. 

Image: Instagram/jennaortega