టాలీవుడ్‌లో బెంగాలీ సుందరి!
‘బిగ్‌బాస్‌’ ఫేమ్‌ సోహెల్‌ హీరోగా తెరకెక్కిన ‘లక్కీ లక్ష్మణ్‌’ డిసెంబర్‌లో థియేటర్లలో సందడి చేయగా.. తాజాగా ఈ చిత్రం ఓటీటీలో విడుదలైంది. ఇందులో సోహెల్‌కి జోడిగా మోక్ష నటించింది.
Image: Instagram/mokksha
ఈ బెంగాలీ భామ సినీ ప్రేక్షకుల్ని బాగా ఆకట్టుకుంది. తన అందంతో కుర్రకారును ఫిదా చేసింది.
Image: Instagram/mokksha
మోక్ష అసలు పేరు ప్రీతి సేన్‌ గుప్తా. సినిమా కోసం పేరు మార్చుకుంది. ఈమె మంచి క్లాసికల్‌ డ్యాన్సర్‌ కూడా.
Image: Instagram/mokksha
పశ్చిమబెంగాల్‌లోని బారక్‌పూర్‌లో సాధారణ కుటుంబంలో జన్మించింది. కోల్‌కతాలోని అశుతోష్‌ కాలేజ్‌లో బీఎస్సీ సైకాలజీ పూర్తిచేసింది.
Image: Instagram/mokksha
కొంతకాలం బరాక్‌పూర్‌లోనే ఓ స్కూల్‌లో టీచర్‌గా పనిచేసింది. చిన్నతనం నుంచి నటి అవ్వాలన్న కోరిక ఉండటంతో టీచర్‌ ఉద్యోగం మానేసి సినీ అవకాశాల కోసం ప్రయత్నించింది.
Image: Instagram/mokksha
బెంగాలీలో పలు ఓటీటీ వెబ్‌సిరీస్‌లు, చిత్రాల్లో నటించింది. తమిళ్‌లోనూ ఓ చిత్రం చేసింది.
Image: Instagram/mokksha
‘లక్కీ లక్ష్మణ్‌’ చిత్రబృందం ఈమెను సంప్రదించడంతో.. పశ్చిమ బెంగాల్‌ నుంచి హైదరాబాద్‌కు వచ్చేసింది.
Image: Instagram/mokksha
ఈ బెంగాలీ బ్యూటీ.. తెలుగు భాష నేర్చుకుంటోంది. సినిమా ప్రమోషన్‌లో చక్కగా తెలుగు మాట్లాడింది. మరికొన్ని నెలల్లో పూర్తిగా తెలుగు నేర్చుకుంటానని మాటిచ్చింది.
Image: Instagram/mokksha
ప్రస్తుతం ‘కడలి’ పేరుతో తెరకెక్కుతోన్న తెలుగు చిత్రంతోపాటు ఓ మలయాళ చిత్రంలోనూ నటిస్తోంది. అక్కడ ట్యూటర్‌ సాయంతో మలయాళం కూడా నేర్చుకుంటోంది.
Image: Instagram/mokksha
This browser does not support the video element.
మోక్ష పెట్‌ లవర్‌. తన ఇంట్లో ఓ శునకాన్ని(ప్లూటో) పెంచుకుంటోంది. శునకాలకు సంబంధించిన చాలా వీడియోలను తన ఇన్‌స్టాలో పోస్టు చేస్తుంటుంది. ‘777 చార్లీ’ని లెక్కలేనన్ని సార్లు చూసిందట.
Image: Instagram/mokksha
మోక్షకి ట్రావెలింగ్‌ చేయడమంటే చాలా ఇష్టం.. భక్తీ ఎక్కువే. ఎక్కడికి వెళ్లినా.. అక్కడి స్థానిక ఆధ్యాత్మిక క్షేత్రాలను సందర్శిస్తుంటుంది.
Image: Instagram/mokksha