పవర్‌స్టార్‌ పవన్‌ కల్యాణ్‌, భూమిక జంటగా.. 2001లో విడుదలైన చిత్రం ‘ఖుషి’. తమిళ దర్శకుడు ఎస్‌.జె సూర్య తెరకెక్కించిన ఈ చిత్రం బ్లాక్‌బస్టర్‌ హిట్‌గా నిలిచింది. తాజాగా ఈ చిత్రం రీరిలీజ్‌ అవుతోంది.

Image: Eenadu

దర్శకుడు ఎస్‌.జె సూర్య 2000లోనే తమిళ్‌లో విజయ్‌-జ్యోతికతో ఈ చిత్రం తీశారు. ఆ తర్వాత తెలుగులో పవన్‌తో రీమేక్‌ చేశారు. 

Image: Eenadu

ఈ చిత్రం హిందీ, కన్నడలోనూ విడుదలైంది. కానీ, మాతృక.. ఇతర భాషల్లో కంటే.. తెలుగు ‘ఖుషి’నే బిగ్గెస్ట్‌ హిట్‌.

Image: Eenadu

ఈ సినిమాకి మొదట ‘చెప్పాలని ఉంది’ అనే టైటిల్‌ పెట్టారు. కానీ, పవన్‌ కల్యాణ్‌ ‘ఖుషి’ పేరే పెట్టాలని చెప్పడంతో.. అదే టైటిల్‌ ఖరారైంది. 

Image: Eenadu

ఈ చిత్రంలో పవన్‌ కల్యాణ్‌ ధరించిన దుస్తులు అప్పట్లో బాగా ట్రెండ్‌ అయ్యాయి. గ్యాప్‌ హూడీస్‌, ఫుల్‌ నెక్‌ టీషర్ట్స్‌, డబుల్‌ షర్ట్స్‌ యూత్‌లో బాగా పాపులర్‌ అయ్యాయి. 

Image: Eenadu

ఇందులో ఫైట్స్‌ను పవన్‌ కల్యాణే స్వయంగా కంపోజ్‌ చేశారు. అందుకే, ఇతర చిత్రాల్లో కంటే.. ఇందులో ఫైట్స్‌ కాస్త భిన్నంగా కనిపిస్తాయి.

Image: Eenadu

ఈ చిత్రంలోని ‘ఆడువారి మాటలకు’ పాట, అందులో పవన్‌ వేసే స్టెప్పు అందరినీ ఆకట్టుకున్నాయి. ఇది ఎన్టీఆర్‌ ‘మిస్సమ్మ’లోని పాటకు రీమిక్స్‌.. ఈ ఆలోచన కూడా పవన్‌దేనట.

Image: Eenadu

ఇందులోని ‘యే మేరా జహా’ అనే పాట లిరిక్స్‌ మొత్తం హిందీలోనే ఉంటాయి. తెలుగు పాటలో హిందీ పదాలు రావడం సహజమే. కానీ, అప్పట్లోనే ఓ తెలుగు చిత్రంలో పూర్తి హిందీ పాట ఉండటం విశేషం. 

Image: Eenadu

మొత్తంగా సినిమాలో పవన్‌ క్యారెక్టర్‌, భూమిక అందం, మణిశర్మ సంగీతం, పీసీ శ్రీరాం కెమెరా, ఎస్‌.జె సూర్య దర్శకత్వం.. సినిమాని ఓ రేంజ్‌కి తీసుకెళ్లాయి.

Image: Eenadu

ఈ చిత్రం 101 సెంటర్లలో 50 రోజులు, 79 సెంటర్లలో 100 రోజులు, 8 సెంటర్లలో 175 రోజులు ఆడింది.

Image: Eenadu

చిత్ర నిర్మాత ఎ.ఎం. రత్నం కుమారుడు లండన్‌లో విద్యనభ్యసిస్తున్న సమయంలోనే ఈ చిత్రం విడుదలైంది. దీంతో రత్నం కుమారుడు, అతని స్నేహితులు కలిసి లండన్‌లోనూ ఈ సినిమాను విడుదల చేశారు. 

Image: Eenadu