ప్రస్తుత కాలంలో ఇంటర్నెట్ అనేది ప్రతి ఒక్కరి జీవితంలో భాగమైపోయింది. ఉదయం నిద్రలేచింది మొదలు.. రాత్రి పడుకునే వరకు ఏదో ఒక పని కోసం ఇంటర్నెట్‌ను వినియోగిస్తూనే ఉన్నాం. మరి ఇంటర్నెట్ గురించి ఆసక్తికర విశేషాలు తెలుసుకుందాం రండి.

Image:RKC 

ప్రపంచంలో ఇంటర్నెట్‌ సేవలు తొలిసారిగా అక్టోబర్‌ 29, 1969న ప్రారంభమయ్యాయి. అక్టోబర్‌ 29, 2005 నుంచి ఇంటర్నేషనల్‌ ఇంటర్నెట్‌ డేను జరుపుతున్నారు.

Image:RKC

ఎలక్ట్రానిక్‌ పద్ధతిలో మొదటిసారి ఒక కంప్యూటర్‌ నుంచి మరో కంప్యూటర్‌కు సందేశాన్ని పంపించారు. అప్పట్లో దీన్ని (అడ్వాన్స్‌డ్ రీసెర్చ్ ప్రాజెక్ట్స్ ఏజెన్సీ నెట్‌వర్క్- ARPANET) అని పిలిచేవారు.

Image:RKC 

2020 లెక్కల ప్రకారం భారతదేశంలో 749 మిలియన్ల మంది ప్రజలు ఇంటర్నెట్‌ను వినియోగించారట! 2015లో 302.36 మిలియన్ల మంది ప్రజలు ఇంటర్నెట్‌ వినియోగించగా.. 2022కు 932.22 మిలియన్లకు పెరిగింది.

Image:RKC 

ప్రపంచవ్యాప్తంగా 5.7 బిలియన్ల మంది ప్రజలు ఇంటర్నెట్‌ వినియోగిస్తున్నారు. అంటే ప్రపంచ జనాభాలో సుమారు 63.5 శాతం మంది ఇంటర్నెట్‌ వినియోగిస్తున్నారన్నమాట!

Image:RKC 

2016 లెక్కల ప్రకారం భారత్‌లో 70శాతం మంది ఇంటర్నెట్‌ వినియోగిస్తే అందులో 70 శాతం పురుషులు, 30 శాతం స్త్రీలు ఉన్నట్లు తెలిసింది. 2020 వచ్చేసరికి 60 శాతం పురుషులు, 40 శాతం స్త్రీలు వినియోగిస్తున్నారు.

Image:RKC

 అంతర్జాల సేవలను వినియోగించే వారి సంఖ్య 2040 నాటికి 1,532.3 మిలియన్లకు చేరుతుందని గణాంక నిపుణులు అంచనా వేస్తున్నారు.

Image:RKC

2022 జనవరి గణాంకాల ప్రకారం ప్రపంచ దేశాల్లో ఇంటర్నెట్‌ వినియోగంలో చైనా (1,020 మిలియన్లు) ముందువరుసలో ఉంది.

Image:RKC 

భారత్‌ 658 మిలియన్లు, అమెరికా 307.2 మిలియన్లు, ఇండోనేషియా 204.7 మిలియన్లు, బ్రెజిల్ 165.3 మిలియన్లు, రష్యా 129.8 మిలియన్ల మంది వినియోగించగా.. ఇటలీ 50.85 మిలియన్ల మంది వినియోగంతో చివరి స్థానంలో ఉంది.

Image:RKC  

 ఇంటర్నెట్‌ వేగాన్ని బిట్‌ ఫర్‌ సెకండ్లలో కొలుస్తారు.1 Kbps (kilobits/sec)=1,000 bits/sec, 1 Mbps (megabits/sec)=1 million bits/sec, 1 Gbps (gigabits/sec)=1 billion bits/sec.

Image:RKC 

ఎక్కువగా స్ట్రీమింగ్‌ యాప్స్‌ ( నెట్‌ఫ్లిక్స్‌, స్టాన్‌, ఫాక్స్‌టెల్), సోషల్‌ మీడియా (ఇన్‌స్టాగ్రామ్‌, యూట్యూబ్‌), GPS,Uber, Maps యాప్‌ల వినియోగానికి ఎక్కువ ఇంటర్నెట్‌ అవసరమట!

Image:RKC 

వాట్సాప్‌లో ఒక సందేశాన్ని పంపించాలంటే 30KB, ఒక నిమిషం పాటు వీడియో కాల్ చేసేందుకు 750KB, ఒక సెకన్‌ వాయిస్‌ మెసేజ్‌ పంపించాలంటే 6KB ఇంటర్నెట్‌ ఖర్చవుతుంది. ఒక గంటసేపు ఫేస్‌బుక్‌ వాడేందుకు 100 MB ఇంటర్నెట్‌ కావాలి.

Image:RKC 

వినియోగదారులకు మరింత వేగవంతమైన, నాణ్యమైన సేవలను అందించేందుకు మన దేశంలో కొన్ని టెలికాం కంపెనీలు ఇటీవల 5G ఇంటర్నెట్ సేవలను అందుబాటులోకి తీసుకొచ్చాయి.

Image:RKC