రామ్‌ చరణ్, జూ. ఎన్టీఆర్‌ ప్రధాన పాత్రల్లో దర్శక ధీరుడు రాజమౌళి తెరకెక్కించిన ‘ఆర్‌ఆర్‌ఆర్‌’ ప్రతిష్ఠాత్మక ఆస్కార్‌ అవార్డు బరిలో నిలిచిన విషయం తెలిసిందే! ఈ సినిమాకు వివిధ సినీ రంగాలలోని సెలెబ్రిటీలు ప్రశంసల జల్లు కురిపిస్తున్నారు. 

image:Instagram/jessicachastain

‘ఆర్‌ఆర్‌ఆర్‌’ అభిమానుల జాబితాలోకి తాజాగా హాలీవుడ్‌ నటి.. జెస్సికా చస్టెయిన్‌ కూడా చేరింది. ‘‘ఇటీవల ‘ఆర్‌ఆర్‌ఆర్‌’ సినిమా చూశాను. చూస్తున్నంతసేపు కళ్లకి పండగలా అనిపించింది’’ అంటూ ట్వీట్‌ చేసింది.

image:Instagram/jessicachastain

ఈ ట్వీట్‌కి ‘‘జెస్సికా.. మీరు ‘ఆర్‌ఆర్‌ఆర్‌’ చూసి ఎంజాయ్‌ చేయడం మాకెంతో సంతోషం కలిగించింది’’ అని చిత్రబృందం రీట్వీట్‌ చేసింది. 

image:Instagram/jessicachastain

తెలుగు సినిమాను మెచ్చుకున్న ఈమె ఎవరో కాదు గతేడాది ‘ది ఐస్‌ ఆఫ్‌ టమ్మీ ఫేయ్‌’లో ఉత్తమ నటిగా ఆస్కార్‌ అందుకున్న హీరోయిన్‌. ఈమె 1977 మార్చి 24న అమెరికాలోని కాలిఫోర్నియాలో జన్మించింది.

image:Instagram/jessicachastain

చదువు పూర్తి కాకముందే.. 1998లో ‘అమెరికా అకాడమీ ఆఫ్‌ డ్రామాటిక్‌ ఆర్ట్స్’లో చేరి నటనలో శిక్షణ తీసుకుంది. తర్వాత 2003లో ‘బ్యాచ్‌లర్‌ ఆఫ్ ఫైన్‌ ఆర్ట్స్‌’లో డిగ్రీ పట్టా అందుకుంది. 

image:Instagram/jessicachastain

నటన మీద ఆసక్తితో సినీరంగంలోకి వచ్చేసింది జెస్సికా. కెరీర్ మొదట్లో చాలా ఇబ్బందులు పడినా.. తర్వాత 2011లో ఆమె నటించిన ఆరు సినిమాలు విడుదలై మంచి గుర్తింపు తెచ్చి పెట్టాయి. 

image:Instagram/jessicachastain

ఇప్పటివరకు ఈ నటి 50కి పైగా సినిమాలు చేసింది. తన నటనకు గానూ ఆస్కార్‌ సహా అనేక అవార్డులు వచ్చాయి.

image:Instagram/jessicachastain

జెస్సికా.. ఫ్యాషన్ ఎగ్జిక్యూటివ్ జియాన్ లూకా పాసి డి ప్రిపోసులోను వివాహం చేసుకుంది, వీళ్లకు ఇద్దరు పిల్లలు ఉన్నారు.

image:Instagram/jessicachastain

జెస్సికా ఎక్కువగా మహిళల హక్కులు, వారి స్వేచ్ఛపై స్పందిస్తూ ఉంటుంది. సినీరంగంలో మహిళల పట్ల ఉన్న వివక్షపై పలు వార్తా పత్రికలకు వ్యాసాలు కూడా రాసింది.

image:Instagram/jessicachastain

పలు టెలివిజన్‌ సిరీస్‌లోనూ నటించిన ఈ హాలీవుడ్‌ బ్యూటీ.. వివిధ సంస్థలకు బ్రాండ్‌ అంబాసిడర్‌గా వ్యవహరిస్తోంది. 

image:Instagram/jessicachastain