తమిళంలో అజిత్‌, మంజు వారియర్‌ ప్రధాన పాత్రలో తెరకెక్కిన ‘తునివు’ని తెలుగులో ‘తెగింపు’ పేరుతో విడుదల చేస్తున్నారు. తాజాగా ఈ సినిమా ట్రైలర్‌ విడుదలై అందరినీ ఆకట్టుకుంటోంది.

image:Instagram/manju.warrier

వయసు పెరుగుతున్నా తరగని సౌందర్యంతో ప్రేక్షకుల మనసును దోచేస్తోంది మంజు. తన అందం, అభినయానికి ప్రపంచవ్యాప్తంగా అభిమానులున్నారు. 

image:Instagram/manju.warrier

ఈ నటి.. కేరళలోని త్రిసూర్‌.. పుళ్లులో 1978 సెప్టెంబర్‌ 10న జన్మించింది. 

image:Instagram/manju.warrier

తొలుత మంజు.. దూరదర్శన్‌లో ప్రసారమయ్యే ‘మోహరావం’సీరియల్‌లో నటించింది. 

image:Instagram/manju.warrier

మలయాళంలో ‘సాక్ష్యం’తో తన సినీ కెరీర్‌ ప్రారంభించింది. ఈ సినిమాలో నటించేటప్పుడు మంజు వయసు 17 ఏళ్లు. 

image:Instagram/manju.warrier

ఈ సుందరి నటుడు దిలీప్‌ను 1998లో వివాహం చేసుకుంది. వివాహ బంధంలోకి అడుగుపెట్టిన తర్వాత మంజు సినిమాలు చేయడం మానేసింది. వీళ్లిద్దరూ 2014లో విడాకులు తీసుకున్నారు. మళ్లీ మంజు.. సినిమాలోకి రీఎంట్రీ ఇచ్చింది. వీళ్లకు ఓ పాప కూడా ఉంది. 

image:Instagram/manju.warrier

సినిమాల్లో నటిస్తూనే టెలివిజన్లో పలు షోలకు వ్యాఖ్యాత, న్యాయ నిర్ణేతగా వ్యవహరిస్తుంటుంది.

image:Instagram/manju.warrier

ఈ 4 పదుల భామ.. ‘చతుర్‌ ముఖం’, ‘లలితం సుందరం’ తదితర చిత్రాలను నిర్మించింది. ప్రస్తుతం మరో సినిమాను నిర్మించే పనిలో ఉంది. 

image:Instagram/manju.warrier

ఇప్పటి వరకు మంజు.. 42కు పైగా సినిమాల్లో నటించింది. మరో నాలుగు సినిమాలు విడుదలకు సిద్ధంగా ఉన్నాయి. 

image:Instagram/manju.warrier

ఈ మలయాళీ అందం మాతృ భాషతో పాటు తమిళం, హిందీ భాషల్లో కూడా నటించింది. 

image:Instagram/manju.warrier

పలు వాణిజ్య ప్రకటనల్లోనూ మెరిసింది. వివిధ సంస్థలకు బ్రాండ్‌ అంబాసిడర్‌గా వ్యవహరిస్తోంది.

image:Instagram/manju.warrier

పలు సినిమాల్లో ఉత్తమ నటిగా నేషనల్‌ అవార్డు, ఫిలింఫేర్‌ అవార్డుతో పాటు మరెన్నో పురస్కారాలు అందుకుంది మంజు.

image:Instagram/manju.warrier