‘డీజే టిల్లు’తో తెలుగు ప్రేక్షకులకు పరిచయమైంది నేహా శెట్టి.. ఇప్పుడు ‘బెదురులంక 2012’ తో తెరపై మరోసారి మెరవనుంది. ఈ చిత్రం ఆగస్టు 25న విడుదల కానుంది. 

(photos:instagram/iamnehashetty)

కార్తికేయ, నేహాశెట్టి ఈ చిత్రంలో ప్రధాన పాత్రలు పోషించారు. క్లాక్స్‌ దర్శకత్వం వహించారు. యుగాంతం నేపథ్యంలో ఈ కథ సాగనుంది.

ఈ చిత్రంలో నేహాశెట్టి పల్లెటూరి అమ్మాయి చిత్రగా అలరించనుంది. తన పాత్ర ప్రేక్షకులకు బాగా నచ్చుతుందని చెప్తుందీ భామ.

చిత్ర పాత్రను చక్కగా పోషిస్తుందా లేదా.. అని డైరక్టర్‌ చాలా టెన్షన్‌ పడ్డారట. కానీ ఈ సినిమాలో నేహా తన రోల్‌ అద్భుతంగా పోషించిందని ప్రీ రిలీజ్‌ ఈవెంట్‌లో ప్రశంసల వర్షం కురిపించారు.

‘బెదురులంక..’ ట్రైలర్‌ చూసిన తర్వాత రామ్‌చరణ్‌ దీనిపై స్పందిస్తూ.. ఈ చిత్రం ట్రైలర్‌ నాకు బాగా నచ్చింది.. ఈ సినిమా చూసేందుకు నేను వెయిట్‌ చేస్తున్నానని అన్నారు.

‘డీజే టిల్లు’ తర్వాత ఈ భామకు బాగా గుర్తింపు వచ్చింది.. ప్రస్తుతం తెలుగులో వరుస సినిమాలతో బిజీగా ఉంది.

‘బెదురులంక..’ తర్వాత సెప్టెంబరులో ‘రూల్స్‌ రంజన్‌’ విడుదల కానుంది. దీంట్లో కిరణ్‌ అబ్బవరం సరసన నటించింది. 

ఈ సినిమాలోని ‘సమ్మోహనుడా..’ పాట ఈ మధ్యే విడుదలై బాగా వైరలయ్యింది. ఈ పాటలో నేహా తన డ్యాన్స్‌తో బాగా ఆకట్టుకుంది. 

ఇదిలా ఉండగా కృష్ణ చైతన్య దర్శకత్వంలో వస్తోన్న ‘గ్యాంగ్స్‌ ఆఫ్‌ గోదావరి’ లో విశ్వక్‌సేన్‌ సరసన నేహా హీరోయిన్‌గా నటిస్తోంది.

ఈ సినిమాలో మొదటి పాట ‘సుట్టంలా సూసి పోకలా..’ తాజాగా విడుదలైంది. దీనికి స్టేజ్‌పై విశ్వక్‌సేన్‌, నేహా శెట్టి వేసిన డ్యాన్స్‌ వీడియో తెగ వైరలయ్యింది.