తనను తానే పెళ్లి చేసుకొని వార్తల్లో నిలిచిన కనిష్కా సోనీ.. మరోసారి చర్చనీయాంశంగా మారింది. తను సోషల్‌ మీడియాలో పోస్ట్‌ చేసిన ఫొటోలు చూసి.. కనిష్కా తల్లైనట్టు వార్తలొచ్చాయి.

Image: Kanishka Soni

తాజాగా వాటిపై స్పందించిన ఆమె.. కాస్త ఎక్కువగా తినడం వల్ల లావయ్యాను. నన్ను నేను పెళ్లి చేసుకుంటే తల్లినెలా అవుతానంటూ వార్తలను ఖండించింది. దీంతో సోషల్‌ మీడియాలో వస్తున్న వార్తలకు తెరపడింది.

Image: Kanishka Soni

తన సోలోగామీ గురించి కనిష్కా.. ఆగస్టు 6న ఇన్‌స్టాలో పంచుకుంది. నుదుట సింధూరం.. మంగళసూత్రం ధరించి ఉన్న ఫొటోను షేర్‌ చేసింది. 

Image: Kanishka Soni

1987 ఆగస్టు 16న గుజరాత్‌లోని అహ్మదాబాద్‌లో జన్మించింది కనిష్కా సోని. కేంద్రీయ విద్యాలయంలో చదువుకుంది. ముంబయి విశ్వవిద్యాలయం నుంచి ఫైనాన్స్‌ డిప్లొమాలో పోస్ట్‌ గ్రాడ్యుయేషన్‌ పూర్తి చేసింది. 

Image: Kanishka Soni

2007లో ‘బాత్రూమ్‌ సింగర్‌’ రియాలిటీ షోలో పాల్గొంది. గాయనిగా తన కెరీర్‌ను ప్రారంభించింది. ఆ తర్వాత ముంబయిలో మోడలింగ్‌ చేసింది. 

Image: Kanishka Soni

డీడీ నేషనల్‌ షో క్లోజ్‌ ఆఫ్‌ మ్యూజిక్‌ మస్తీ ఔర్‌ ధూమ్ లో విజేతగా నిలిచిన ఈ భామ.. దేవోన్‌ కే దేవ్‌.. మహాదేవ్‌ (తెలుగులో హర హర మహాదేవ్‌) ధారావాహికలో రేవతి పాత్ర పోషించింది. ‘దియా ఔర్‌ బాతీ హమ్‌’తో పాపులారిటీ సంపాదించుకుంది. 

Image: Kanishka Soni

దాదాపు 35కుపైగా సీరియల్స్‌లో నటించిన కనిష్కా.. తెలుగులోనూ పలు ప్రకటనల్లో మెరిసింది. నటిగా, గాయనిగా, మోడల్‌గా తనకంటూ ప్రత్యేకత చాటుకుంది. 

Image: Kanishka Soni

ఇవే కాకుండా రెస్క్యూ ఫౌండేషన్‌తో అనుబంధం ఉంది. సామాజిక కార్యకలాపాల్లోనూ మంచి గుర్తింపు సాధించింది. దీంతో మంచి నటనతో పాటు సేవా దృక్పథం ఉన్న వ్యక్తిగా పేరొందింది. 

Image: Kanishka Soni

2013లో తమిళంలో ‘ఫథాయెరప్‌ కోడి’లో వివేక్‌ సరసన నటించి సినిమాల్లోకి తెరంగేట్రం చేసింది. 

Image: Kanishka Soni

ఎంఏ పాస్‌ సినిమాలో ప్లే బ్యాక్‌ సింగర్‌గా బ్రేక్‌ తెచ్చుకుంది కనిష్కా. అంతేకాదు ‘కాసో మ్యూజిక్‌’ పేరుతో సొంత కంపెనీని ప్రారంభించింది. దీంతో ఎంతో మంది సింగర్లు బాలీవుడ్లో తమ ప్రతిభ చూపించుకునేందుకు అవకాశం కల్పిస్తోంది. 

Image: Kanishka Soni

ఈ నటి యోగా ట్రైనర్‌ కూడా. దీనికి సంబంధించిన ఫొటోలు, వీడియోలను సోషల్‌ మీడియాలో పోస్ట్‌ చేస్తూ ఉంటుంది. 

Image: Kanishka Soni