‘టైగర్‌ నాగేశ్వరరావు’ భారీ అంచనాల నడుమ ఈ నెల 20న విడుదలకు సిద్ధమైంది. 1970ల్లో స్టూవర్టుపురంలో పేరు మోసిన గజదొంగ టైగర్‌ నాగేశ్వరరావు జీవిత కథ ఆధారంగా రూపొందిన ఈ సినిమా కీలక పాత్రధారులెవరో చూసేయండి..

హీరో రవితేజ టైటిల్‌ పాత్ర పోషించారు. ఆయనకు ఇదే తొలి పాన్‌ ఇండియా చిత్రం.

ఈ సినిమాతో టాలీవుడ్‌లోకి ఎంట్రీ ఇస్తోంది నుపూర్‌ ససన్‌. ఇందులో ఆమె సారా అనే పాత్రతో సందడి చేయనుంది. ఈ బ్యూటీ హీరోయిన్‌ కృతిసనన్‌ సోదరి.

ఈ చిత్రంతో తెలుగు తెరకు పరిచయంకాబోతున్న మరో హిందీ నటి గాయత్రీ భరద్వాజ్‌. మణి అనే పాత్ర పోషించింది. 

ఈ నటి పేరు అనుక్రీతి వాస్‌. చెన్నైకు చెందిన ఈమె ఈ సినిమాతోనే తెలుగు ప్రేక్షకులను పలకరించనుంది. ఆమె పోషించిన పాత్ర పేరు జయవాణి.

సమాజ సేవకురాలు హేమలత లవణం పాత్రలో రేణూ దేశాయ్‌ నటించారు. ఈ సినిమాతో ఆమె రీ ఎంట్రీ ఇస్తున్న సంగతి తెలిసిందే.

స్టూవర్టుపురానికి వెన్నెముకలాంటివాడు గజ్జల ప్రసాద్‌. ఈ కీ రోల్‌ని నాజర్‌ ప్లే చేశారు. 

ఇంటెలిజెన్స్‌ బ్యూరో అధికారి రాఘవేంద్ర రాజ్‌పుత్‌గా అనుపమ్‌ ఖేర్‌ కనిపించనున్నారు.

డీఎస్పీ (క్రైమ్‌ బ్రాంచ్‌) విశ్వనాథ్‌ శాస్త్రి పాత్రను మురళీశర్మ పోషించారు.

సీఐ మౌళిగా జిషు సేన్‌గుప్త కనిపించనున్నారు.

యలమందగా హరీశ్‌ పేరడి వైవిధ్యాన్ని ప్రదర్శించనున్నారు.