సంజన దివాకర్‌ కల్‌మంజీ.. దక్షిణాదిన మంచి ప్లేబ్యాక్‌ సింగర్‌.. తెలుగు, తమిళ, కన్నడ సినిమాల్లో పాటలు పాడుతుంటారు. ఇప్పుడు చిరంజీవి కొత్త చిత్రం ‘భోళా శంకర్‌’లో ‘మిల్కీ బ్యూటీ..’ అనే పాటతో శ్రోతల ముందుకొచ్చారు.

image: instagram/ sanjanakalmanje

‘మిల్కీ బ్యూటీ...’ పాటను కంపోజ్‌ చేసింది మణిశర్మ కుమారుడు, సంజన భర్త మహతి స్వర సాగర్‌. 2021లో సాగర్‌ను వివాహం చేసుకొని సంజన మణిశర్మ ఇంటి కోడలయ్యారు. 

image: instagram/ sanjanakalmanje

ఈమె 1995లో కర్ణాటకలో పుట్టారు. చదువంతా చెన్నైలో సాగింది. చిన్నతనం నుంచే సంగీతంపై ఆసక్తి ఉండేదట. స్కూలు, కాలేజీలో స్టేజీపై పాటలు పాడారు.

image: instagram/ sanjanakalmanje

సూపర్‌ సింగర్‌ జూనియర్‌ 2 ప్రోగ్రామ్‌లో పాల్గొని ట్రోఫీని గెలుచుకున్నారు. మలయాళ చిత్రం ‘కవాల్‌’లో ‘నట్ట నాడు ఇరువుల...’ అనే పాటతో 2015లో కెరియర్‌ని మొదలుపెట్టారు. 

image: instagram/ sanjanakalmanje

‘డిక్టేటర్‌’, ‘జూమ్‌’, ‘మాచర్ల నియోజకవర్గం’, ‘కృష్ణా వ్రింద విహారి’, కన్నడ ‘ఆరెంజ్‌’, ‘లవ్‌ టుడే’,‘ఛల్‌ మోహన్‌రంగ’ తదితర చిత్రాల్లో పాటలు పాడి ఆకట్టుకున్నారు. 

image: instagram/ sanjanakalmanje

సంజనకు పండగల సమయంలో పూజలు చేసి, అమ్మతో కలిసి ఫొటోలు దిగటం అంటే బాగా నచ్చుతుందట.

image: instagram/ sanjanakalmanje

ఖాళీ సమయం దొరికితే స్నేహితులతో కలసి రీల్స్‌ చేస్తూ, ఫ్రెండ్స్‌తో సరదాగా ఎంజాయ్‌ చేస్తారు. ఆ వీడియోలను సోషల్‌మీడియాలో పోస్ట్‌ చేస్తుంటారు.

image: instagram/ sanjanakalmanje

వర్షంలో తడుస్తూ, పాటలు పాడుతూ, డ్యాన్స్ చేయడమంటే ఈమెకి చాలా ఇష్టమట. ప్రకృతిని ఆస్వాదించేందుకు అప్పుడప్పుడూ ట్రిప్పులకీ వెళ్తుంటారు. 

image: instagram/ sanjanakalmanje