పొలం గట్టుపై వెళ్తున్న మహిళా కూలీల ప్రతిబింబం చిత్రకారుడి పెయింటింగ్‌ను తలపిస్తోంది.. కరీంనగర్‌ జిల్లా తిమ్మాపూర్‌ మండలం కొత్తపల్లి గ్రామం.

హిమాచల్‌ ప్రదేశ్‌లోని మనాలీలో నిర్వహించిన మిస్‌ వింటర్‌ క్వీన్‌ పోటీల్లో విజేతగా నిలిచిన సుహానితో రెండు, మూడు స్థానాలు సాధించిన అమిషా, అదితి నేగి.

ప్రకృతి అందాలకు నెలవైన కోనసీమను ఆదివారం తెల్లవారుజామున మంచు కప్పేసింది. భానుడి కిరణాలు ఎనిమిది గంటలైనా పుడమిని తాకలేదు. 

గణతంత్ర వేడుకల నేపథ్యంలో ప్రముఖ శిల్పి సుదర్శన్‌ పట్నాయక్‌  ఆదివారం పూరీ తీరంలో ‘మేరా భారత్‌ మహాన్‌’ అన్న సందేశంతో సైకత శిల్పం తీర్చిదిద్ది శుభాకాంక్షలు తెలిపారు.  

హైదరాబాద్‌ నగర శివారు కోహెడ హనుమాన్‌ కొండపై ఆహ్లాదం కనువిందు చేస్తోంది. చుట్టూ పచ్చదనం మధ్యలో కొండ.. ఆపై మంచుతో సందర్శకులను కట్టిపడేస్తోంది.

వైకుంఠఏకాదశికి 15రోజుల తర్వాత వచ్చిన బహుళ ద్వాదశి సందర్భంగా భద్రాచలం రామాలయంలో సంప్రదాయం ప్రకారం ఆదివారం విశ్వరూపసేవను అట్టహాసంగా నిర్వహించారు.

ఒకరిద్దరు కాదు.. ఏకంగా 30 వేల మంది విద్యార్థుల చేతుల్లో తిరంగ పతాకాలు రెపరెపలాడాయి. కర్ణాటక రాష్ట్రం దక్షిణ కన్నడ జిల్లా మూడబిద్రెలోని ఆళ్వాస్‌ ప్రతిష్ఠాన విద్యాలయ ప్రాంగణంలో ఆదివారం ఈ దృశ్యం కనులవిందు చేసింది. 

తాడూరు మండలంలోని గుంతబండ తండా సమీపంలో సగ భాగం చిగురించిన కొమ్మలు, మరో సగ భాగం చిగురించని కొమ్మలతో చూపరులను ఆకట్టుకుంటున్న మామిడి చెట్టు .

యానాం: 76వ గణతంత్ర వేడుకలను పురస్కరించుకుని శనివారం 4,500 మంది విద్యార్థులు మైదానంలో అశోకచక్రం ఆకారంలో నిలబడి కనువిందు చేశారు.