బాసర ట్రిపుల్‌ ఐటీ స్నాతకోత్సవానికి మంత్రి కేటీఆర్‌ హాజరయ్యారు. ఈ సందర్భంగా గతంలో ఆయన యూనివర్సిటీని సందర్శించినప్పుడు ఇచ్చిన హామీ మేరకు విద్యార్థులకు ల్యాప్‌టాప్‌లను అందజేశారు. కార్యక్రమంలో మంత్రులు సబితా ఇంద్రారెడ్డి, ఇంద్రకరణ్‌రెడ్డి పాల్గొన్నారు.

Source:Eenadu

అడివి శేషు, మీనాక్షి చౌదరి జంటగా శైలేష్‌ కొలను దర్శకత్వంలో తెరకెక్కిన సినిమా ‘హిట్‌2’. ఈ సినిమా విజయోత్సవ సంబరాల కోసం విజయవాడ వచ్చిన వారు కనకదుర్గ ఆలయాన్ని దర్శించుకున్నారు. అనంతరం అక్కడి పేరొందిన ఓ హోటల్‌లో అల్పాహారం తీసుకున్నారు.

Source:Eenadu

హైదరాబాద్‌లోని కొండాపూర్ 8వ పోలీసు బెటాలియన్‌లో శనివారం మహిళా పోలీసు అభ్యర్థుల దేహదారుఢ్య పరీక్షలు ప్రారంభమయ్యాయి. నేటితో పాటు 12, 13, 14 తేదీల్లో ఈ పోటీలు జరగనున్నాయి.

Source:Eenadu

మహేశ్‌బాబు హీరోగా త్రివిక్రమ్‌ దర్శకత్వంలో తెరకెక్కనున్న సినిమా(ఎస్‌ఎస్‌ఎంబీ28)కు సంబంధించిన తాజా అప్‌డేట్‌ను చిత్రబృందం పంచుకుంది. ఈ సినిమా చిత్రీకరణ జనవరి నుంచి ప్రారంభం కానుందని తెలిపింది.

Source:Eenadu

సినీనటి అనసూయ నెల్లూరు రూరల్ నియోజకవర్గం పరిధిలోని మాగుంట లేఅవుట్ మినీబైపాస్ రోడ్డులో నూతనంగా ఏర్పాటు చేసిన ఓ సెలూన్‌ను ప్రారంభించారు. ఆమెను చూసేందుకు అభిమానులు తరలివచ్చారు

Source:Eenadu

భాజపా తెలంగాణ రాష్ట్ర అధ్యక్షుడు బండి సంజయ్‌ చేపట్టిన ప్రజాసంగ్రామ యాత్ర శనివారం జగిత్యాల జిల్లా కోరుట్ల నియోజకవర్గంలో కొనసాగింది. అక్కడి ఐలాపూర్, కిషన్‌రావు పల్లెల ప్రజలు, కార్యకర్తలు యాత్ర బృందానికి ఘనస్వాగతం పలికారు.

Source:Eenadu

భారీవర్షాల కారణంగా చిత్తూరు జిల్లా సోమల మండలంలోని కందూర్ నదిపై తాత్కాలిక వంతెన తెగిపోయింది. దీంతో రాకపోకలు నిలిచిపోయాయి.

Source:Eenadu

హైదరాబాద్‌లో కార్‌ రేసింగ్‌లో భాగంగా ఆదివారం రెండు ప్రాక్టీస్‌ సెషన్స్‌ మాత్రమే జరిగాయి. దీంతో ఆదివారం మిగిలిన అన్ని రేసింగ్‌ పోటీలు నిర్వహించనున్నారు.

Source:Eenadu