హైదరాబాద్‌లోని సరూర్‌ నగర్‌ కట్టమైసమ్మ, కొత్తపేట ఖిల్లా మైసమ్మ ఆలయాల్లో ఆదివారం బోనాల పండగను ఘనంగా నిర్వహించారు. మహిళలు పెద్దఎత్తున తరలివచ్చి అమ్మవారికి బోనాలను సమర్పించారు.

Source:Eenadu

 గోమాతను జాతీయ ప్రాణిగా ప్రకటించాలని కోరుతూ అఖిల భార గో సేవా ఫౌండేషన్‌ ఆధ్వర్యంలో 40మంది సభ్యులు హైదరాబాద్‌ నుంచి తిరుమలకు మహా పాదయాత్ర చేపట్టారు. 

Source:Eenadu

మన ఆరోగ్యం.. మన చేతుల్లోనే ఉంటుందని తెలంగాణ వైద్యారోగ్యశాఖ మంత్రి హరీశ్‌రావు అన్నారు. డెంగ్యూ నివారణలో భాగంగా ఆయన తన ఇంటి పరిసరాలను స్వయంగా శుభ్రం చేశారు. 

Source:Eenadu

 ప్రముఖ వ్యాపారవేత్త ఆనంద్‌ మహీంద్ర తన ట్విటర్‌ ఖాతాలో ఆసక్తికర పోస్టును పంచుకున్నారు. గతంలో ఇటలీలోని ఓ ఎగ్జిబిషన్‌లో ‘లైఫ్‌ ఈజ్‌ షార్ట్‌.. ఎంజాయ్‌ ఇట్‌ బిఫోర్ మెల్ట్స్‌’అనే పేరుతో ఏర్పాటు చేసిన కళాఖండం ఫొటోను షేర్‌ చేశారు.

Source:Twitter

మాధవన్‌ ప్రధాన పాత్రలో ప్రముఖ ఇస్రో శాస్ర్తవేత్త నంబి నారాయణన్‌ జీవితం ఆధారంగా తెరకెక్కిన చిత్రం ‘రాకెట్రీ‌’. ఈ సినిమాకు ప్రముఖ సినీ నటుడు రజనీకాంత్‌ ఫిదా అయ్యారు. ఈ సందర్భంగా మాధవన్‌, నంబి నారాయణ్‌ను ఆయన సత్కరించారు.

Source:Twitter

ఎంపీ కేశినేని నాని కుమార్తె కేశినేని శ్వేత నిశ్చితార్థ వేడుకను ఆదివారం హైదరాబాద్‌లో నిర్వహించారు. ఈ వేడుకకు తెదేపా జాతీయ అధ్యక్షుడు నారా చంద్రబాబునాయుడు, పార్టీ జాతీయ ప్రధాన కార్యదర్శి నారా లోకేశ్‌ హాజరై కాబోయే దంపతులను ఆశీర్వదించారు.

Source:Eenadu

కామన్వెల్త్‌ క్రీడల్లో వెయిట్‌ లిఫ్టింగ్‌ విభాగంలో భారత క్రీడాకారుడు 19 ఏళ్ల జెరెమీ లాల్‌ రిన్నుంగా అద్భుత ప్రదర్శనతో అబ్బురపరిచాడు. 67 కేజీల విభాగంలో ఏకంగా పసిడి సాధించాడు.

Source:Twitter

హైదరాబాద్‌ హైటెక్‌సిటీలోని ఓ ఐస్‌క్రీమ్‌ పార్లర్‌లో కొత్త రకం ఐస్‌క్రీమ్‌ను లాంచ్‌ చేశారు. కార్యక్రమంలో పలువురు మోడల్స్‌ పాల్గొని ఐస్‌క్రీమ్‌లు తింటూ, ఫొటోలకు పోజులిస్తూ సందడి చేశారు.

Source:Eenadu

సినీనటుడు కల్యాణ్‌రామ్‌ ఈ ఉదయం తిరుమల శ్రీవారిని దర్శించుకున్నారు. ఆయనతో పాటు ‘బింబిసార’ చిత్రబృంద సభ్యులు కూడా శ్రీవారి సేవలో పాల్గొన్నారు. కల్యాణ్‌రామ్ కథానాయకుడిగా నటించిన ‘బింబిసార’ చిత్రం ఆగస్టు 5న విడుదల కానుంది.

Source:Eenadu