చిత్రం చెప్పే విశేషాలు! (26/08/2022/2)
హైదరాబాద్‌లోని కూకట్‌పల్లిలో శుక్రవారం ఓ నగల దుకాణం ప్రారంభోత్సవాన్ని నిర్వహించారు. కార్యక్రమంలో బిగ్‌బాస్‌ ఫేమ్‌ స్రవంతి చొక్కారపు పాల్గొని వివిధ డిజైన్ల నగలతో ఫొటోలకు పోజులిస్తూ సందడి చేశారు.
Image:Eenadu
తెదేపా జాతీయ ప్రధాన కార్యదర్శి నారా లోకేశ్‌ తన వివాహ వార్షికోత్సవం సందర్భంగా ట్విటర్‌ ఖాతాలో తన సతీమణి బ్రాహ్మణి, కుమారుడితో కలిసున్న ఫొటోను పంచుకున్నారు. వివాహ బంధానికి 15ఏళ్లు పూర్తయినట్లు తెలిపారు.
Image:Eenadu
పొట్లకాయలు సాధారణంగా నిటారుగా, పొడుగ్గా పెరుగుతాయి. కానీ విశాఖపట్నం నర్సింహనగర్‌ రైతు బజార్‌కు కోటపాడు నుంచి వచ్చిన మహిళా రైతు పాములా వంకర్లు తిరిగిన పొట్లకాయను తీసుకొచ్చారు. చూడ్డానికి అచ్చం పాములా ఉండటంతో అక్కడికొచ్చిన కొనుగోలుదారులంతా ఆసక్తిగా తిలకించారు.
Image:Eenadu
శ్రావణ మాసంలో చివరి శుక్రవారం కావడంతో కరీంనగర్‌లోని మహాశక్తి ఆలయానికి భక్తులు పెద్దఎత్తున తరలివచ్చారు. అమ్మవారికి అభిషేకాలు, కుంకుమార్చనలు చేశారు.
Image:Eenadu
శ్రీకాంత్‌ ఓదెల దర్శకత్వంలో నాని హీరోగా తెరకెక్కుతున్న చిత్రం ‘దసరా’. ఈ సినిమాను వచ్చే ఏడాది మార్చి 30న విడుదల చేయనున్నట్లు చిత్రబృందం ట్విటర్‌ వేదికగా ప్రకటించింది. సిల్క్ స్మిత బొమ్మ గీసి ఉన్న గోడ ముందు మద్యం సీసా చేతిలో పట్టుకుని ఉన్న నాని ఫొటోను షేర్‌ చేసింది.
Image:Eenadu
హైదరాబాద్‌లోని రెజిమెంటల్‌ బజార్‌లో ఖాదర్‌ ఖాన్‌ అనే వ్యక్తి ప్రపంచ దేశాలకు చెందిన పురాతన నాణేలు, కరెన్సీతో ప్రదర్శనశాలను ఏర్పాటు చేశారు. ఈ ప్రదర్శనశాలను ఉత్తర మండల అదనపు కమిషనర్‌ వెంకటేశ్వర్లు ప్రారంభించారు.
Image:Eenadu
తిరుమల శ్రీవారిని దర్శించుకున్న సీఎస్‌ సమీర్‌ శర్మకు స్వామి వారి ప్రసాదం అందజేస్తున్న తితిదే ఈవో ఏవీ ధర్మారెడ్డి
Image:Eenadu
విశాఖలో నిర్వహించిన ‘తీర శుభ్రత’ కార్యక్రమంలో మంత్రులు ఆదిమూలపు సురేష్, గుడివాడ అమర్‌నాథ్‌ పాల్గొన్నారు. బీచ్‌లోని వ్యర్థాలను స్వయంగా ఏరి వేస్తూ నగర పౌరుల్లో స్వచ్ఛ స్ఫూర్తి నింపారు.
Image:Eenadu