చిత్రం చెప్పే విశేషాలు..!
(07-12-2022/2)
హైదరాబాద్‌ బంజారాహిల్స్‌లోని ఓ హోటల్లో నిర్వహించిన ఫ్యాషన్‌ షో ఆకట్టుకుంది. పలువురు డిజైనర్లు రూపొందించిన దుస్తులు ధరించి మోడళ్లు ర్యాంప్‌ వాక్‌ చేస్తూ హొయలు పోయారు.
Source: Eenadu
సినీనటి ప్రణీత కుటుంబ సమేతంగా తిరుమల శ్రీవారిని దర్శించుకున్నారు. అంతకుముందు తన కూతురు ఆర్న తలనీలాలు సమర్పించారు.
Source: Eenadu
కాంగ్రెస్‌ అగ్ర నేత రాహుల్ గాంధీ నేతృత్వంలో కొనసాగుతున్న భారత్‌ జోడో యాత్ర రాజస్థాన్‌లో సాగుతోంది. కోటా జిల్లాలో యాత్ర చేస్తున్న ఆయనను ఓ వెంట్రిలాక్విజం కళాకారుడు కలిశారు. ఈ సందర్భంగా రాహుల్ ఆ బొమ్మను పరిశీలించారు.
Source: Eenadu
ఖతార్‌లో జరుగుతున్న ఫిఫా ఫుట్‌బాల్ ప్రపంచ కప్‌ మ్యాచ్‌లను వీక్షించేందుకు వచ్చే పర్యాటకులను ఆకర్షించేందుకు ఆ దేశం ప్రత్యేక ఏర్పాట్లు చేసింది. మెసాయిద్‌ సీ లైన్‌లోని జీఎంసీ డైవ్‌లో పలు వాహనాలు, సైకిళ్లు, కాంక్రీట్ శిథిలాలు ఉంచి ‘టైటానిక్‌’ తరహా అనుభూతిని పంచుతోంది.
Source: Eenadu
జగిత్యాల పట్టణంలోని మోతెలో ఏర్పాటు చేసిన తెరాస భారీ బహిరంగసభలో సీఎం కేసీఆర్‌ పాల్గొని ప్రసంగించారు.
Source: Eenadu
భాజపా రాష్ట్ర అధ్యక్షుడు బండి సంజయ్‌ చేపట్టిన ప్రజా సంగ్రామ యాత్ర ఖానాపూర్‌, కోరుట్ల నియోజకవర్గాల్లో సాగింది. దారి పొడవునా ప్రజల సమస్యలు తెలుసుకుంటూ ముందుకు కదిలారు. వివిధ చోట్ల రోడ్ షో నిర్వహించి మాట్లాడారు.
Source: Eenadu
నెల్లూరు నగరంలో తెదేపా ఆధ్వర్యంలో ‘ఇదేం ఖర్మ-మన బీసీలకు’ కార్యక్రమం నిర్వహించారు. తొలుత వీఆర్సీ సెంటర్‌ నుంచి కలెక్టరేట్‌ వరకు ర్యాలీ చేశారు. అనంతరం కలెక్టరేట్‌ ఎదుట భిక్షాటన చేస్తూ వినూత్నంగా నిరసన తెలిపారు.
Source: Eenadu
సాయుధ దళాల పతాక దినోత్సవం సందర్భంగా సైనిక నిధికి తన వంతు సహాయం అందజేస్తున్న ప్రధాని నరేంద్రమోదీ.
Source: Eenadu