చిత్రం చెప్పే విశేషాలు!
(13-12-2022/2)
2001లో పార్లమెంటుపై జరిగిన దాడిలో అమరులైన వారి త్యాగాలను స్మరించుకుంటూ ప్రధాని నరేంద్రమోదీ నివాళులర్పించారు. అమరుల సేవలు, ధైర్య సాహసాలు, త్యాగాలను ఎన్నటికీ మరువలేమని ఈ సందర్భంగా ఆయన వ్యాఖ్యానించారు.
Source: Eenadu
కాలిఫోర్నియా పరిధిలోని రైట్‌వుడ్‌లో భారీగా మంచు కురుస్తోంది. పలుచోట్ల స్థానికులు ఆ మంచు వర్షాన్ని ఆస్వాదిస్తూ కనిపించారు.
Source: Eenadu
జేమ్స్‌ కామెరూన్‌ మరో అద్భుత సృష్టి ‘అవతార్‌ : ద వే ఆఫ్‌ వాటర్‌’ ఈ నెల 16న విడుదల కానుంది. ఈ నేపథ్యంలో లాస్‌ ఏంజిలెస్‌లోని డాల్బీ థియేటర్‌లో ప్రీమియర్‌ షో ఏర్పాటు చేశారు. అవతార్‌ వేషధారణలో ఆ కార్యక్రమానికి హాజరైన ఓ బాలుడు ఇలా సందడి చేస్తూ ఆకట్టుకున్నాడు.
Source: Eenadu
తెదేపా అధినేత చంద్రబాబుతో బ్రిటిష్‌ డిప్యూటీ హై కమిషనర్‌ గారెత్‌ విన్‌ ఓవెన్‌ మర్యాదపూర్వకంగా భేటీ అయ్యారు. భారత్-యూకే సంబంధాలు, జీ-20 సదస్సుకు భారతదేశం నాయకత్వం వహించడం వంటి పలు అంశాలు వీరిద్దరి మధ్య చర్చకు వచ్చినట్లు సమాచారం.
Source: Eenadu
బంగ్లాదేశ్‌తో బుధవారం చట్‌గావ్‌లో తొలి టెస్టు మ్యాచ్‌ జరగనుంది. అందుకోసం భారత క్రికెటర్‌ విరాట్ కోహ్లీ.. కోచ్‌ ద్రవిడ్‌ సూచనలు పాటిస్తూ మ్యాచ్‌కు సన్నద్ధమవుతున్న చిత్రాలివి.
Source: Eenadu
మాండౌస్‌ తుపాను ప్రభావంతో హైదరాబాద్‌ నగరంలో అక్కడక్కడా చిరుజల్లులు కురిశాయి. చిన్నపాటి వర్షానికే కొన్ని చోట్ల రోడ్లపై నీరు నిలిచింది. దిల్‌సుఖ్‌నగర్‌, ఖైరతాబాద్‌లో తీసిన చిత్రాలివి.
Source: Eenadu
చూడటానికి అచ్చం కార్ వీడియో గేమ్‌లా కనిపిస్తోంది కదూ! కానీ, ఇవి నిజమైన కార్లు. బ్రిటన్‌లో గత కొద్ది రోజులుగా విపరీతంగా మంచు కురుస్తోంది. కాసిల్టన్‌ సమీపంలోని పర్వతాల్లో ఈ దృశ్యం ఆవిష్కృతమైంది.
Source: Eenadu
మాదాపూర్‌ హెచ్‌ఐసీసీలో టై గ్లోబల్ సమ్మిట్‌-22 రెండో రోజూ కొనసాగింది. నటి రిచా చద్దా ఈ సదస్సుకు హాజరుకాగా.. సందర్శకులు ఆమెతో సెల్ఫీలు తీసుకునేందుకు ఉత్సాహం కనబరిచారు.
Source: Eenadu