చిత్రం చెప్పే విశేషాలు..!
(22-12-2022/2)
కడప నగరంలో ఈ ఉదయం కనిపించిన దృశ్యాలివి. మంచుదుప్పటి కప్పేయడంతో తొమ్మిదిగంటలైనా రహదారులు కనిపించలేదు. దీంతో వాహనదారులు మెల్లగా రాకపోకలు సాగించారు.
Source: Eenadu
ఉక్రెయిన్‌ అధ్యక్షుడు జెలెన్‌స్కీ అమెరికాలో పర్యటిస్తూ అమెరికా ఉపాధ్యక్షురాలు కమలా హారిస్‌, స్పీకర్‌ నాన్సీ పెలోసీలతో సమావేశమయ్యారు. ఈ సందర్భంగా బక్హ్‌ముట్‌లో రష్యాతో పోరాడుతున్న ఉక్రెయిన్‌ సైనికులు సంతకం చేసిన జాతీయ జెండాను ఇలా ప్రదర్శించారు.
Source: Eenadu
‘హిట్‌ 2’ టాక్‌తో జోష్‌లో ఉన్న యువ కథానాయకుడు అడివి శేష్‌ త్వరలో మరో కొత్త ప్రాజెక్టును పట్టాలెక్కించబోతున్నారు. ‘తుపానుకు ముందు నిశ్శబ్దం’ అంటూ ఈ చిత్రాన్ని తన ట్విటర్‌ ఖాతాలో పోస్టు చేస్తూ ఈ విషయాన్ని వెల్లడించారు.
Source: Eenadu
తెదేపా అధినేత చంద్రబాబునాయుడు ‘ఇదేం ఖర్మ.. మన రాష్ట్రానికి’ కార్యక్రమంలో భాగంగా విజయనగరం జిల్లా పర్యటనకు బయలుదేరారు. ఈ సందర్భంగా విశాఖ విమానాశ్రయం చేరుకున్న ఆయనకు పార్టీ నేతలు, కార్యకర్తలు, ప్రజలు ఘనస్వాగతం పలికారు.
Source: Eenadu
హైదరాబాద్‌లోని ఎన్టీఆర్ స్టేడియంలో 35వ హైదరాబాద్ జాతీయ పుస్తక ప్రదర్శనను మంత్రి శ్రీనివాస్‌గౌడ్‌ ప్రారంభించారు. ఈ కార్యక్రమానికి తెలంగాణ సాహిత్య అకాడమీ చైర్మన్ జూలూరు గౌరీశంకర్ అధ్యక్షత వహించారు.
Source: Eenadu
మహేశ్‌బాబు, భూమిక జంటగా గుణశేఖర్‌ దర్శకత్వంలో తెరకెక్కిన సినిమా ‘ఒక్కడు’. రీరిలీజ్‌ ట్రెండ్‌లో భాగంగా ఈ సినిమాను జనవరి 7, 2023న మరోసారి విడుదల చేస్తున్నారు. ఇందుకు సంబంధించిన ట్రైలర్‌ను ఈ నెల 24న విడుదల చేస్తున్నట్లు చిత్రబృందం తెలిపింది.
Source: Eenadu
సంగీత దర్శకుడు అనిరుధ్‌ను కలిసిన ఫొటోను తమన్ తన ట్విటర్‌ ఖాతాలో పంచుకున్నారు. ప్రస్తుతం తాను మహేశ్‌బాబు సినిమాకు, అనిరుధ్‌.. జూనియర్‌ ఎన్టీఆర్ సినిమాకు స్వరాలందిస్తున్నట్లు తెలుపుతూ తమన్ పోస్టు పెట్టారు.
Source: Eenadu
హైదరాబాద్‌లోని తార్నాకలో న్యూట్రిషన్‌ సొసైటీ ఆఫ్‌ ఇండియా 54వ జాతీయ సదస్సు నిర్వహించారు. కార్యక్రమానికి న్యూట్రిషన్‌ కోర్సు చదువుతున్న వివిధ రాష్ట్రాల విద్యార్థులు హాజరై అక్కడి ఎగ్జిబిట్లను పరిశీలించారు.
Source: Eenadu
నంద్యాల జిల్లా జూపాడుబంగ్లా మండలం పారుమంచాల గ్రామంలో తితిదే ఈవో ఎ.వి.ధర్మారెడ్డి కుమారుడు చంద్రమౌళిరెడ్డి చిత్రపటానికి సీఎం జగన్‌మోహన్‌రెడ్డి నివాళి అర్పించారు. అనంతరం ధర్మారెడ్డితో పాటు ఆయన కుటుంబ సభ్యులను పరామర్శించి ధైర్యం చెప్పారు.
Source: Eenadu