చిత్రం చెప్పే విశేషాలు!
(04-01-2023/2)
ఈ చిత్రంలో కన్పిస్తున్న పరికరం పేరు క్యుబేర్‌+ ఏఐ. క్వాంటమ్‌ మ్యూజిక్‌ కో అనే కంపెనీ దీనిని రూపొందించింది. ఈ పరికరం చిన్నారుల ఏడుపు రకాన్ని అర్థం చేసుకొని వాళ్లు ఏం కోరుకుంటున్నారో మనకు విశదీకరిస్తుంది.
Source: Eenadu
హైదరాబాద్‌లో ఫిబ్రవరి 11న ఫార్ములా ఈ- రేసింగ్‌ పోటీలు నిర్వహించనున్నారు. ఇందుకోసం హైదరాబాద్ మహానగరాభివృద్ధి సంస్థ(హెచ్‌ఎండీఏ) సన్నాహాలు ప్రారంభించింది. పురపాలకశాఖ ప్రత్యేక ప్రధానకార్యదర్శి అర్వింద్‌కుమార్‌ రేసింగ్‌ వీక్షించడానికి తొలి టికెట్‌ కొనుగోలు చేశారు.
Source: Eenadu
నెల్లూరు నగరంలో అధికశబ్దం చేస్తూ తిరుగుతున్న 173 ద్విచక్ర వాహనాల సైలెన్సర్లను పోలీసులు స్వాధీనం చేసుకున్నారు. ఎస్పీ విజయరావు ఆదేశాల మేరకు వాహన యజమానులకు జరిమానా విధించి.. స్వాధీనం చేసుకున్న సైలెన్సర్లను రోడ్డు రోలర్‌తో తొక్కించారు.
Source: Eenadu
ఎప్పుడూ రాజకీయాలతో బిజీబిజీగా ఉండే ఎమ్మెల్సీ కవిత.. ఓ సాధారణ మహిళలా తన కుమారుడు చదివే పాఠశాలకు వెళ్లారు. పాఠశాలలో ఆమె కుమారుడు ఆర్య చేసిన ప్రాజెక్ట్ వర్క్‌ చూసి మురిసిపోయారు. మిగతా విద్యార్థులు రూపొందించిన ప్రాజెక్టుల గురించి ఆరా తీశారు.
Source: Eenadu
బాలీవుడ్‌ కింగ్‌ఖాన్‌ షారుఖ్‌ కథానాయకుడిగా సిద్ధార్థ్‌ ఆనంద్‌ తెరకెక్కించిన చిత్రం ‘పఠాన్‌’. ఈ నెల 10న ట్రైలర్, 25న సినిమాను విడుదల చేయనున్నట్లు చిత్రబృందం తాజాగా వెల్లడించింది.
Source: Eenadu
అక్కినేని అఖిల్‌తో కలిసి దిగిన ఫొటోను సుశాంత్ తన ట్విటర్‌ ఖాతాలో పంచుకున్నారు. అఖిల్‌ హీరోగా ‘ఏజెంట్‌’ సినిమా తెరకెక్కుతుండగా.. రవితేజ హీరోగా తెరకెక్కుతున్న ‘రావణాసుర’ సినిమాలో సుశాంత్.. ‘రామ్‌’ అనే కీలక పాత్ర పోషిస్తున్నారు.
Source: Eenadu
హైదరాబాద్ ఆదర్శనగర్‌లోని ఎమ్మెల్యే క్వార్టర్స్‌లో మంత్రి తలసాని శ్రీనివాస్‌యాదవ్‌ ఆధ్వర్యంలో అయ్యప్పస్వామి మహా పడిపూజ నిర్వహించారు. కార్యక్రమంలో ప్రముఖ సినీనటుడు చిరంజీవి పాల్గొని పూజలు చేశారు.
Source: Eenadu
భారతదేశ పర్యటనలో ఉన్న మైక్రోసాఫ్ట్‌ సీఈవో సత్య నాదెళ్ల.. విదేశీ వ్యవహారాల శాఖ మంత్రి జైశంకర్‌ను మర్యాదపూర్వకంగా కలిశారు. డిజిటల్‌ గవర్నెన్సీ, భద్రత తదితర అంశాలపై వారు చర్చించుకున్నారు.
Source: Eenadu
అవికాగోర్‌ కథానాయికగా నటించి నిర్మించిన సినిమా ‘పాప్‌కార్న్‌’. సాయిరోనక్‌ ఇందులో హీరో. ఈ చిత్ర ట్రైలర్‌ను హైదరాబాద్‌లోని ఆర్కే సినీ ఫ్లెక్స్‌లో ప్రముఖ సినీనటుడు నాగార్జున విడుదల చేశారు. ఈ సందర్భంగా అవికాగోర్‌కు నాగార్జున శుభాకాంక్షలు తెలిపారు.
Source: Eenadu