సమంత ప్రధాన పాత్రలో నటించిన అపురూప దృశ్యకావ్యం ‘శాకుంతలం’. గుణశేఖర్‌ దర్శకుడు. ఫిబ్రవరి 17న ప్రేక్షకుల ముందుకు రానున్న ఈ సినిమా ట్రైలర్‌ను చిత్రబృందం సోమవారం విడుదల చేసింది. సమంత హాజరై ఆకట్టుకున్నారు.

Source: Eenadu

బాలీవుడ్ హీరో షారుక్‌ఖాన్‌ హీరోగా, సిద్ధార్థ్‌ ఆనంద్‌ దర్శకత్వంలో తెరకెక్కిన యాక్షన్‌ చిత్రం ‘పఠాన్‌’. ఈ సినిమా ట్రైలర్‌ను జనవరి 10న విడుదల చేయనున్నట్లు చిత్రబృందం తెలిపింది. జనవరి 25న ఈ చిత్రం థియేటర్లలోకి రానుంది.

Source: Eenadu

సినీ నటులు మంచు మోహన్‌ బాబు, మంచు విష్ణు కుటుంబ సమేతంగా తిరుమల శ్రీవారిని సోమవారం దర్శించుకొని ప్రత్యేక పూజలు చేశారు. అనంతరం అర్చకులు వారికి తీర్థ ప్రసాదాలు అందించి వేదాశీర్వచనాలిచ్చారు.

Source: Eenadu

టీఎస్‌ఆర్టీసీ ‘జీవ’ పేరుతో మినరల్‌ వాటర్‌ బాటిల్స్‌ ఉత్పత్తిని ప్రారంభించింది. ఇందుకు సంబంధించిన సీసాలను హైదరాబాద్‌లోని ఎంజీబీఎస్‌ ప్రాంగణంలో టీఎస్‌ఆర్టీసీ ఛైర్మన్‌ బాజిరెడ్డి గోవర్ధన్‌, ఎండీ సజ్జనార్‌, మంత్రి పువ్వాడ అజయ్‌ ప్రారంభించారు.

Source: Eenadu

తన సతీమణి అనుష్క శర్మ, కుమార్తె వామికలతో కలిసి బీచ్‌లో సంతోషంగా గడుపుతున్న ఫొటోను క్రికెటర్‌ విరాట్‌ కోహ్లీ సామాజిక మాధ్యమాల్లో పంచుకున్నారు. ‘దేవుడా.. నువ్వు నాకు ఎంతో ఇచ్చావు. ఇంకా నిన్ను అడగాల్సింది ఏమీ లేదు.. కృతజ్ఞతలు తెలపడం తప్ప’ అని పోస్టు పెట్టారు.

Source: Eenadu

దేశవ్యాప్తంగా అగ్నివీర్‌కు ఎంపికైన యువకులకు హైదరాబాద్‌లోని గోల్కొండ ఆర్టిలరీ కేంద్రంలో ఈ నెల ఒకటో తేదీ నుంచి శిక్షణ ప్రారంభమైంది. ఈ కేంద్రంలో 2,200 మంది అభ్యర్థులు శిక్షణ పొందుతున్నారు.

Source: Eenadu

అడివి శేష్‌ హీరోగా వినయ్‌ కుమార్‌ సిరిగినిడీ దర్శకత్వంలో తెరకెక్కుతున్న సినిమా ‘గూఢచారి 2’. ఈ సినిమా ప్రీవిజన్‌ను చిత్రబృందం విడుదల చేసింది. గతంలో అడివి శేష్‌ హీరోగా తెరకెక్కిన ‘గూఢఛారి’కి సీక్వెల్‌గా ఈ చిత్రం వస్తోంది.

Source: Eenadu

శ్రీకాకుళం జిల్లా ఎచ్చెర్లలోని శివాని ఇంజినీరింగ్‌ కళాశాలలో సంక్రాంతి సంబరాల్లో భాగంగా ఫ్రెండ్లీ క్రికెట్‌ మ్యాచ్‌ నిర్వహించారు. కార్యక్రమానికి తెదేపా ఎంపీ రామ్మోహన్‌ నాయుడు ముఖ్య అతిథిగా హాజరై కాసేపు బ్యాట్ పట్టి ఆడి సందడి చేశారు.

Source: Eenadu