చిత్రం చెప్పే విశేషాలు..!
(13-12-2022/1)
సీఎం కేసీఆర్‌ చేసిన సూచనల మేరకు ఆర్కిటెక్ట్‌ ఆనందసాయి ఆధ్వర్యంలో యాదాద్రిలో రాష్ట్ర పర్యాటకశాఖకు చెందిన హరిత హోటల్‌ నమూనాలను వైటీడీఏ సిద్ధం చేయించింది. కనుమదారిలో దాన్ని నిర్మించనున్నారు.
Source: Eenadu
ఓఆర్‌ఆర్‌పై ఎక్కడా పెట్రోలు బంకుల్లేవు. కారులో ఇంధనం ఉందో లేదో చూసుకోకుండా ఎక్కేస్తే ఇబ్బందులు పడతారని సూచిస్తూ పలుచోట్ల ఇలా సూచికలు ఏర్పాటు చేశారు.
Source: Eenadu
భాగ్యనగరం చారిత్రక బావులకు పేరు. ఇటీవల కొన్నింటిని రాష్ట్ర ప్రభుత్వం పునరుద్ధరిస్తోంది. మరికొన్నింటి పక్క స్థలాలు కబ్జాల కబంధ హస్తాల్లో చిక్కుకుంటున్నాయి. హయత్‌నగర్‌లోని హయత్‌ భక్షి మసీదు సమీపంలోని బావి వద్ద ఆ పరిస్థితి నెలకొంది.
Source: Eenadu
హైదరాబాద్‌ సుచిత్ర అకాడమీలో నిర్వహించిన ‘ఫిట్‌ ఇండియా స్కూల్‌ వీక్‌-2022’ ముగింపు కార్యక్రమంలో పాల్గొన్న స్టార్‌ బ్యాడ్మింటన్‌ క్రీడాకారిణి పీవీ సింధు.
Source: Eenadu
హీరో విక్టరీ వెంకటేశ్ పుట్టినరోజు నేడు. మెగాస్టార్‌ చిరంజీవి ట్విటర్‌ వేదికగా ఆయనకు శుభాకాంక్షలు తెలిపారు. ఈ సందర్భంగా చిరు తన తాజా చిత్రం వాల్తేరు వీరయ్యలోని ‘వేర్‌ ఈజ్‌ ద పార్టీ’ పాటను ఉటంకిస్తూ సరదాగా పార్టీ అడిగారు.
Source: Eenadu
గుంటూరు స్తంభాలగరువు జిల్లాపరిషత్‌ పాఠశాల ప్రాంగణం నిర్మాణ సామగ్రితో నిండిపోయింది. 600 మందికి పైగా విద్యార్థులు ఉన్న ఈ పాఠశాలలో కనీసం విద్యార్థులు తరగతి గదులకు వెళ్లేందుకైనా వీలు లేకుండా స్టీల్, సిమెంట్, కంకర, ఇటుకలతో నింపేశారు.
Source: Eenadu
రాజస్థాన్‌లోని బూందీలో కొనసాగుతున్న భారత్‌ జోడో యాత్రలో రాహుల్‌గాంధీతో పాటు పాల్గొన్న కాంగ్రెస్‌ ప్రధాన కార్యదర్శి ప్రియాంకా గాంధీ, ఆమె భర్త రాబర్ట్‌ వాద్రా, కుమార్తె మిరాయా వాద్రా.
Source: Eenadu
పాతబస్తీలోని మీరాలం చెరువులో వారం రోజుల నుంచి మొసళ్లు కనిపిస్తుండడంతో స్థానికులు ఆందోళన వ్యక్తంచేస్తున్నారు. ఇందులో మొసళ్లు ఉన్నాయన్న ప్రచారమే తప్ప ఎప్పుడూ కనిపించిన దాఖలాలు లేవు. తాజాగా చెరువులో రాళ్లపైకి, బయటకు వస్తుండడం గమనార్హం.
Source: Eenadu