చిత్రం చెప్పే విశేషాలు..!
(14-12-2022/2)
ఖతార్‌ వేదికగా జరుగుతున్న ఫిఫా ఫుట్‌బాల్‌ ప్రపంచ కప్‌ ఫైనల్‌కు అర్జెంటీనా చేరుకొంది. సెమీస్‌లో క్రొయేషియాను 3-0 తేడాతో మట్టికరిపించింది. దీంతో అర్జెంటీనా రాజధాని బ్యూనోస్ ఎయిర్స్‌లో సాకర్ అభిమానులు ఇలా ఒక్కచోట చేరి సంబరాలు చేసుకొన్నారు.
Source: Eenadu
యువ కథానాయకుడు రానా పుట్టినరోజు నేడు. ఈ సందర్భంగా ఆయన చిన్ననాటి స్నేహితుడు, మెగాపవర్‌స్టార్‌ రామ్‌చరణ్‌ సామాజిక మాధ్యమ వేదికగా శుభాకాంక్షలు తెలియజేస్తూ ఈ చిత్రాన్ని పోస్టు చేశారు.
Source: Eenadu
కాంగ్రెస్‌ అగ్రనేత రాహుల్‌ గాంధీ నేతృత్వంలో కొనసాగుతున్న ‘భారత్‌ జోడో యాత్ర’లో పాల్గొన్న రిజర్వ్‌ బ్యాంక్‌ ఆఫ్‌ ఇండియా మాజీ గవర్నర్‌ రఘురామ్‌ రాజన్‌
Source: Eenadu
భాజపా తెలంగాణ రాష్ట్ర అధ్యక్షుడు బండి సంజయ్‌ చేపట్టిన ప్రజాసంగ్రామ యాత్ర బుధవారం కరీంనగర్ జిల్లాలోని గంగాధర నాలుగు రోడ్ల కూడలికి చేరుకుంది. కార్యక్రమంలో పెద్దఎత్తున ప్రజలు, కార్యకర్తలు పాల్గొన్నారు.
Source: Eenadu
భాగ్యనగరంలోని ప్రముఖ సినిమాహాళ్లలో ఒకటైన ‘తారకరామ’ థియేటర్‌ పునఃప్రారంభమైంది. ‘ఏషియన్‌ తారకరామ’ పేరుతో కొత్త హంగులు సంతరించుకున్న ఈ థియేటర్‌ను బుధవారం సినీనటుడు నందమూరి బాలకృష్ణ ప్రారంభించారు.
Source: Eenadu
చిరంజీవి ‘వాల్తేరు వీరయ్య’లో రవితేజ ఓ కీలక పాత్రలో నటిస్తున్నారు. సెట్స్‌లో ఆయనకు సంబంధించిన ఫొటోలను చిత్రబృందం ట్విటర్‌ వేదికగా పంచుకుంది.
Source: Eenadu
ఖమ్మం జిల్లాకు చెందిన తల్లీకూతుళ్లు ఎస్సై దేహదారుఢ్య పరీక్షల్లో సత్తాచాటారు. నేలకొండపల్లి మండలం చెన్నారం గ్రామానికి చెందిన నాగమణి(37), ఆమె కుమార్తె త్రిలోకిణి(21) ఎస్సై ప్రిలిమినరీ పరీక్షలో పాసై ఈవెంట్స్‌లో క్వాలిఫై అయ్యారు.
Source: Eenadu
సినీనటి శాన్వీ మేఘన హైదరాబాద్‌ కేపీహెచ్‌బీలోని రత్నదీప్ సూపర్‌మార్కెట్‌ సమీపంలో నూతనంగా ఏర్పాటు చేసిన సెలూన్‌ను ప్రారంభించారు. ఈ సందర్భంగా ఆమె ఫొటోలకు పోజులిస్తూ సందడి చేశారు.
Source: Eenadu