చిత్రం చెప్పే విశేషాలు..!
(19-12-2022/2)
హనుమకొండలోని ఆర్ట్స్ అండ్ సైన్స్ కళాశాల మైదానంలో నోబెల్ శాంతి బహుమతి గ్రహీత, బాలల హక్కుల ఉద్యమకారుడు కైలాష్‌ సత్యార్థి పాఠశాల విద్యార్థులతో ముఖాముఖి నిర్వహించారు.
Source: Eenadu
హైదరాబాద్‌లోని హైటెక్‌ సిటీలో హైలైఫ్‌ బ్రైడ్స్‌ ఎగ్జిబిషన్‌ నిర్వహించారు. కార్యక్రమంలో సినీనటి అనన్య నాగళ్ల పాల్గొని ఫొటోలకు పోజులిస్తూ సందడి చేశారు.
Source: Eenadu
కర్నూలు జిల్లా కోస్గిలో ఓ బాలుడు ఆడుకుంటూ తన ఇంట్లో ఉన్న ఆవు దగ్గరికి వెళ్లి పొదుగును పట్టుకుని పాలు తాగాడు. పాలు తాగుతున్నంత సమయం ఆవు కదలకుండా చిన్నారికి మాతృమూర్తి ప్రేమను పంచింది.
Source: Eenadu
కెనడాలోని బ్రిటిష్‌ కొలంబియాలో దట్టంగా మంచు కురవడంతో అక్కడి ఇళ్లు, దారులు ఇలా తెల్లటి దుప్పటి పరుచుకున్నట్లు కనిపించాయి.
Source: Eenadu
పవన్‌ కల్యాణ్‌, భూమిక జంటగా ఎస్‌జే సూర్య దర్శకత్వంలో తెరకెక్కి 2001లో ఘన విజయం సాధించిన సినిమా ‘ఖుషి’. ఈ సినిమాను డిసెంబర్‌ 31న రీరిలీజ్‌ చేస్తున్నారు.
Source: Eenadu
నాగ్‌పూర్‌ ఎమ్మెల్యే(ఎన్సీపీ) సరోజ్‌ బాబులాల్‌ ఎహైర్‌ తన రెండు నెలల చిన్నారితో మహారాష్ట్ర అసెంబ్లీ శీతాకాల సమావేశాలకు హాజరయ్యారు. ఆమె సెప్టెంబర్ 30న బిడ్డకు జన్మనిచ్చారు.
Source: Eenadu
గూగుల్‌ సీఈవో సుందర్‌ పిచాయ్‌ రాష్ట్రపతి ద్రౌపదీ ముర్మును రాష్ట్రపతి భవన్‌లో మర్యాదపూర్వకంగా కలిశారు. ఈ సందర్భంగా పద్మభూషణ్‌ గ్రహీత సుందర్‌ పిచాయ్‌ భారతీయుల ప్రజ్ఞాపాటవాలకు ప్రతీక అని రాష్ట్రపతి కొనియాడారు.
Source: Eenadu
హైదరాబాద్‌లోని పెగా సిస్టమ్స్‌లో నిర్వహిస్తున్న ‘పెగా టీచ్ ఫర్ చేంజ్’ చిల్డ్రన్స్ డే క్యాంపెయిన్‌ సోమవారం ముగింపునకు చేరుకుంది. పాఠశాల విద్యార్థులు పాటలు, నృత్యం, పెయింటింగ్ ఫైనల్‌ పోటీల్లో ఉత్సాహంగా పాల్గొని సందడి చేశారు.
Source: Eenadu